Í áfanganum fá nemendur þjálfun í notkun tilbúinna sniða og að breyta þeim eftir eigin stíl og vexti. Nemendur sauma einfaldar flíkur og þjálfa sig í saumtækni. Gerðar eru einfaldar prufur. Flöt teikning af flík ásamt vinnulýsingu skal unnin meðfram saumaskapnum. Vinnumappa tekin saman með öllum verkefnum áfangans. Vettvangsferðir eru farnar og sýning verður í annarlok á verkefnum nemenda
Nemandi skal hafa öðlast þekkingu og skilning á:
orðaforða greinarinnar til að geta notað skýringarmyndir og vinnulýsingar
hvernig líkamsmál eru tekin og gerður samanburður við stærðartöflur
uppbyggingu sniða og heitum og útliti ólíkra sniða
hvernig sniðhlutar eru lagðir á efni
helstu notkun á saumavélum og öðrum tækjum
grunnatriðum í saumtækni
Nemandi skal hafa öðlast leikni í að:
taka líkamsmál og skilja stærðartöflur
nota orðaforða greinarinnar við notkun vinnulýsinga
geta raðað sniðhlutum á efni
geta teiknað saumför, falda, og aðrar merkingar áður en sniðið er og sauma einfaldar flíkur og prufur
nota saumavélar og fylgihluti
temja sér vönduð vinnubrögð
Nemandi skal geta hagnýtt þá almennu þekkingu og leikni sem hann hefur aflað sér til að:
lesa úr stærðartöflum
laga snið að stærðum
meta og nota viðeigandi stillingar á saumavélum
sauma einfaldar flíkur
Vinnumöppur nemenda í hópnum verða metnar m.a. eftir umfangi, frágangi og merkingum.
Vinnubrögð við hönnun, snið og saumur metin eftir dagbókum, vinnubókum og glósum nemenda og kennara