Í áfanganum eiga nemendur að læra að kenna börnum og unglingum undirstöðuatriði í badminton. Stefnt er að því að nemendur öðlist ákveðna grundvallarfærni í greininni. Farið er yfir helstu atriði í þjálfræði barna og mikilvægi þess að leikurinn sé greindur í sundur í smáar einingar, leikæfingar. Áfanginn er bóklegur og verklegur.
Nemandi skal hafa öðlast þekkingu og skilning á:
tækniþáttum
leikfræði
leikreglum
þjálfunaraðferðum
kennslufræði
skipulagi á þjálfun
sögu badmintons
Nemandi skal hafa öðlast leikni í að:
útbúa tímaseðil
beita mismunandi þjálfunaraðferðum háð aldri
þjálfa badminton
framkvæma grunnæfingar
Nemandi skal geta hagnýtt þá almennu þekkingu og leikni sem hann hefur aflað sér til að:
geta þjálfað og leiðbeint í badminton
geta skipulagt æfingaáætlun í badminton
dæma badminton
Getur farið fram með margvíslegum hætti meðal annars með verklegum prófum, skriflegum lokaprófum, verkefnavinnu. Einnig má meta mætingu og virkni nemenda til einkunnar.