Í áfanganum læra nemendur að kenna börnum og unglingum undirstöðuatriði í sundi. Lögð er áhersla á sundtækni og sundþjálfun ásamt sundleikjum. Stefnt er að því að nemendur öðlist ákveðna grundvallarfærni í greininni. Farið er yfir helstu atriði í þjálffræði barna ásamt öryggisreglum á sundstöðum. Áfanginn er bóklegur og verklegur.
Nemandi skal hafa öðlast þekkingu og skilning á:
tækniþáttum sunds
þjálffræði
sundreglum
þjálfunaraðferðum
kennslufræði
skipulagi á þjálfun
sögu sunds
Nemandi skal hafa öðlast leikni í að:
útbúa tímaseðla
eiga samskipti við iðkendur og þá er koma að greininni
framkvæma grunnæfingar í sundi
þjálfa sund
Nemandi skal geta hagnýtt þá almennu þekkingu og leikni sem hann hefur aflað sér til að:
dæma í sundkeppni
þjálfa og leiðbeina börnum í sundi
geta útbúið þjálfunaráætlanir
Getur farið fram með margvíslegum hætti meðal annars með verklegum prófum, skriflegum lokaprófum og verkefnavinnu. Einnig má meta mætingu og virkni nemenda til einkunnar.