Í áfanganum læra nemendur að kenna börnum og unglingum undirstöðuatriði í knattspyrnu. Lögð er áhersla á kennslu knatttækni og leikfræði fyrir byrjendur. Stefnt er að því að nemendur öðlist ákveðna grundvallarfærni í greininni. Farið er yfir helstu atriði í þjálffræði barna og mikilvægi þess að leikurinn sé greindur í sundur í smáar einingar, leikæfingar. Áfanginn er bóklegur og verklegur.
Nemandi skal hafa öðlast þekkingu og skilning á:
tækniþáttum knattspyrnum
leikfræði
leikreglum
þjálfunaraðferðum
kennslufræði
skipulagi á þjálfun
sögu knattspyrnunnar
Nemandi skal hafa öðlast leikni í að:
útbúa tímaseðla
framkvæma grunnæfingar í knattspyrnu
eiga samskipti við iðkendur og alla þá sem koma að íþróttagreininni
Nemandi skal geta hagnýtt þá almennu þekkingu og leikni sem hann hefur aflað sér til að:
dæma knattspyrnu
geta þjálfað og leiðbeint börnum í knattspyrnu
geta útbúið þjálfunaráætlanir
Getur farið fram með margvíslegum hætti meðal annars með verklegum prófum, skriflegum lokaprófum og verkefnavinnu. Einnig má meta mætingu og virkni nemenda til einkunnar.