Fjallað um mat á skemmdum eða öðru tilefni til viðgerða. Farið í notkun tjónamatskerfisins CABAS og gerðar æfingar í notkun þess. Gerðar verklegar æfingar í notkun einingakerfis. Nemendur þjálfi sig í notkun eyðublaðaforma og geri kostnaðarútreikninga. Gerðar tímaáætlanir vinnuþátta og magnáætlanir á grundvelli mats. Útreikningar vegna tjónamats og verkáætlana. Kostnaðarreikningur verka og mat á umfangi tjóna og smíðaverkefna. Áhersla á að matsmenn tileinki sér ábyrgð, nákvæmni og hlutlægni í starfi og hafi góða yfirsýn yfir verkefnið. Við mat sé þess gætt að fara eftir fyrirmælum framleiðenda um notkun efna og tækja.
Nemandi skal hafa öðlast þekkingu og skilning á:
aðferðum sem notaðar eru við tjónamat og kostnaðarútreikninga
tjónamatskerfinu CABAS
kröfum um ástand ökutækja í reglugerð um gerð og búnað
gert vinnu- og efnisáætlana á grundvelli mats
Nemandi skal hafa öðlast leikni í að:
leggja mat á tjón á ökutæki samkvæmt tjónamatskerfinu CABAS
Nemandi skal geta hagnýtt þá almennu þekkingu og leikni sem hann hefur aflað sér til að:
útfylla helstu eyðublöð og reikningsform sem eru í notkun á hverjum tíma
sýna að hann kunni skil á meðferð skjala sem notuð eru við tjónamat og kostnaðarútreikninga
sýna að hann þekki þær kröfur sem framleiðendur ökutækja (OEM ) gera til viðhalds og viðgerða eftir tjón
lýsa skipulagi vinnu og gerð kostnaðaráætlana bæði hvað varðar ökutækjatjón og smíðaverkefni
áætla vinnutíma einstakra verkþátta, reiknað út magn efnis og kostnað vegna efnisþátta
gera útreikninga vegna þyngdar- og magns efnis til smíða eða viðgerða
Verklegt mat; nemandinn gerir verklegar æfingar í notkun einingakerfis þ.m.t. kostnaðarreikning verka og mat á umfangi tjóna, viðgerða þeirra og við gerð smíðaverkefna
Skriflegt mat; nemandinn leysir próf um fræðilega þætti áfangans