Farið er yfir helstu gerðir kúlu- og keflalega ásamt kröfum um meðferð, umhirðu og stillingar. Fjallað er um mat á legum og hvað geti valdið skemmdum á legum. Skoðaðar eru ýmsar gerðir af hverfiliðum: hjöruliðir og samhraðaliðir. Nemendur læra vinnubrögð við að meta ástand liða, taka drifsköft og driföxla úr ökutæki og hvernig standa skuli að viðgerðum. Áhersla er lögð á öryggi við vinnu undir ökutæki, hreinlæti og ábyrgð viðgerðamanna vegna umferðaröryggis.
Nemandi skal hafa öðlast þekkingu og skilning á:
ástæðum bilana í drifliðum og hjólalegum
helstu gerðum kúlu- og keflalega
helstu gerðum driföxla og drifliða
Nemandi skal hafa öðlast leikni í að:
skipta um hjólalegur ásamt fylgihlutum og stilla ef við á
taka drifsköft, driföxla og drifliði úr ökutæki, meta ástand og gera við eða setja í nýja liði
Nemandi skal geta hagnýtt þá almennu þekkingu og leikni sem hann hefur aflað sér til að:
lýst meðhöndlun lega og mati á ástandi þeirra
lýst hvernig meta skuli ástand drifliða
Verklegt mat; nemandinn sýnir þekkingu sína og hæfni með því að finna tækniupplýsingar, lýsa ástandi og ástæðum bilana lega, drifliða og driföxla og ástæðum bilana vélahluta og kerfa. Taka sundur og/eða setja legur og liði sem farið er yfir í áfanganum. Skriflegt mat; nemandinn leysir próf sem fjallar um viðfangsefni áfangans.