Farið er yfir hugtökin kraftur og þyngd. Fjallað er um eðli þeirra og áhrif í ökutækjum, vogararma og snúningsvægi, núning og núningsstuðul, hreyfiorku og hemlunarafköst. Skoðuð eru hemlakerfi og íhlutir: höfuðdælur, hjólhemlar, bæði diska- og skálahemlar, hjálparbúnaður (þrýsti- og hemlunarstjórnun o.fl. þ.h.), rör og slöngur. Áhersla er lögð á skyldur og ábyrgð viðgerðarmanna vegna umferðaröryggis.
Nemandi skal hafa öðlast þekkingu og skilning á:
kröfum til hemla í reglugerð um gerð og búnað ökutækja
þeim kröftum sem eru virkir í ökutæki við hemlun
algengu vökvahemlakerfum og íhlutum þeirra
ýmsum gerðum stöðuhemla
einföldu þrýstiloftshemlakerfi og helstu hluta þess
Nemandi skal hafa öðlast leikni í að:
reikna út hröðunarkrafta, núnings- og hemlunarafköst
Nemandi skal geta hagnýtt þá almennu þekkingu og leikni sem hann hefur aflað sér til að:
lýsa virkni algengra vökvahemlakerfa og helstu íhluta þeirra
lýsa virkni stöðuhemla
lýsa einföldu þrýstiloftshemlakerfi
Verklegt mat; nemandinn lýsir hemlakerfum og bendir á íhluti: höfuðdælur, hjólhemla bæði diska- og skálahemla, hjálparbúnað, rör og slöngur. Skriflegt mat; nemandinn leysir próf um krafta og þyngd, eðli þeirra og áhrif í ökutækjum, vogararma og snúningsvægi, núning og núningsstuðul, hreyfiorku og hemlunarafköst. Útreikningar á kröftum og stærðum í hemlakerfi.