Farið yfir aðferðir við mat á ástandi búnaðar og íhluta í framvagni, vinnubrögð við viðgerðir og meðhöndlun búnaðar og íhluta. Upprifjun á frágangi skrúffestinga. Farið yfir grunnatriði hjólastillinga. Áhersluatriði í kennslu: vönduð vinna, fagleg vinnubrögð og nákvæmni. Mikilvægi þess að allar festingar og splitti séu rétt frágengin. Gera grein fyrir þeirri hættu sem skapast af lélegum vinnubrögðum. Slysahætta við vinnu undir ökutæki og akstursöryggi eftir viðgerð.
Nemandi skal hafa öðlast þekkingu og skilning á:
helstu hugtökum er varða hjólastillingar
aðferðum við mat á ástandi búnaðar og íhluta í framvagn
reglum um frágang skrúffestinga
Nemandi skal hafa öðlast leikni í að:
taka stýris- og fjöðrunarbúnað í sundur
skipta um slitna eða skemmda hluti í stýris- og fjöðrunarbúnaði
setja saman stýris- og fjöðrunarbúnað og gera viðeigandi stillingar
lýsa afleiðingum þess ef beitt er röngum vinnubrögðum
lýsa afleiðingum þess ef hjólabúnaður að framan er vanstilltur
Nemandi skal geta hagnýtt þá almennu þekkingu og leikni sem hann hefur aflað sér til að:
meta ástand algengs stýris- og fjöðrunarbúnaðar, þ.m.t. hjól og hjólbarða
Verklegt mat; nemandinn tekur í sundur ýmsar gerðir stýrisbúnaðar, lýsir viðgerðum eða skiptum á íhlutum. Hann lýsir áhrifum slitinna íhluta á aksturseiginleika og akstursöryggi og hvernig viðgerðamaður gengur úr skugga um framangreind atriði. Skriflegt mat; nemandinn leysir próf um fræðilega þætti áfangans og viðeigandi ákvæði reglugerðar um gerð og búnað ökutækja.