Farið er yfir gerð og virkni sjálfvirkra gírkassa og íhluta þeirra. Farið er í grunnreglur og útreikninga á afli, vægi, afköstum. Fjallað er um reglubundið viðhald, ástandsskoðun og prófanir og mat á ástandi íhluta. Farið yfir vökvakerfisolíur og síur, vökvaleiðslur og tengi fyrir sjálfvirka gírkassa og almenn vökvakerfi. Þá er fjallað um hættur þegar unnið er undir ökutæki, meðhöndlun þungra hluta og skaðsemi olíu. Sérstök áhersla er lögð á hreinlæti og nákvæmni í vinnu við vökvakerfi.
Nemandi skal hafa öðlast þekkingu og skilning á:
drifbúnaði ýmissa bifreiða með sjálfvirkan gírkassa
grunnreglum og útreikning á afli, vægi, afköstum, nýtingu, þrýstingi
ferli afls frá vökvagír í sjálfskiptingu til hjóla ökutækis
íhlutum í sjálfvirkum gírkössum og hlutverk þeirra
uppbyggingu tengsla í sjálfvirkum gírkassa
olíum sem notaðar eru á sjálfvirka gírkassa og mikilvægi notkunar réttrar olíu
þrýstiventlum, stjórn- og skiptiventlum í sjálfvirkum gírkössum
þrýstiventlum, stjórn- og skiptiventlum í vökvakerfum
Nemandi skal hafa öðlast leikni í að:
sinna reglubundnu viðhaldi og að gera viðeigandi prófanir á sjálfvirkum gírkössum
taka sjálfvirkan gírkassa úr ökutæki og setja í aftur
taka í sundur og setja saman sjálfvirkan gírkassa
þrýstimæla vökvakerfi
Nemandi skal geta hagnýtt þá almennu þekkingu og leikni sem hann hefur aflað sér til að:
lýsa virkni algengra sjálfvirkra gírkassa
lýsa plánetugírasamstæðu
reikna gírhlutföll
lýsa virkni ventlahúss
lýsa mikilvægi olíuskipta og reglulegrar þjónustu við sjálfvirka gírkassa
lýsa algengum í vökvakerfum sem m.a. eru í lyftibúnaði
Verklegt mat; nemandinn sýnir þekkingu sína og hæfni með því að finna tækniupplýsingar, lýsa ástandi og ástæðum bilana. Bendir á og lýsir einstökum íhlutum og samstæðum. Greinir á milli mismunandi gerða sjálfskiptinga. Skriflegt mat; nemandinn leysir próf sem fjallar um viðfangsefni áfangans, sérstaklega túlkun tæknilýsinga og útreikningum m.a. á vökvakrafti og reikning drifhlutfalla.