Farið er yfir byggingarlag og vinnuhátt eldsneytiskerfa dísilhreyfla og þjálfað reglubundið viðhald, svo sem síuskipti, prófun og viðgerðir spíssa og tímastilling innsprautunar. Skoðaður er rafstýribúnaður eldsneytiskerfa.
Nemandi skal hafa öðlast þekkingu og skilning á:
byggingarlagi og vinnuhætti eldsneytiskerfa dísilhreyfla
rafstýribúnaði eldsneytiskerfa
kröfum vegna umgengni við eldsneytiskerfi dísilhreyfla
Nemandi skal hafa öðlast leikni í að:
sinna reglubundnu viðhaldi, m.a. síuskiptum
skipta um íhluti eldsneytiskerfa
prófa og gera við eldsneytisspíssa
tímastillt innsprautunardælur (deili- og raðdælur)
Nemandi skal geta hagnýtt þá almennu þekkingu og leikni sem hann hefur aflað sér til að:
lýst gerð og virkni algengra eldsneytiskerfa dísilhreyfla og einstakra hluta kerfanna
lýst hvernig greina má algengar bilanir eldsneytiskerfa dísilhreyfla
Verklegt mat; nemandinn bendir á og lýsir kerfum og búnaði sem áfanginn spannar. Nemandinn sýnir hvernig skuli sinna viðhaldi; skipta um síur og eldsneytisspíssa. Hann prófar spíssa, mælir bakleka og les kóða úr stjórntölvu. Hann lýsir hættum sem fylgja dísilkerfum og varnir gegn þeim. Skriflegt mat; nemandinn leysir próf um fræðilega þættii áfangans.