Í áfanganum er tekin fyrir iðnaðar- og tæknisaga frá upphafi mannkyns til nútímans. Lögð verður áhersla á þær breytingar sem urðu á framleiðsluþáttum og samfélagsgerð í kjölfar iðnbyltingarinnar. Einnig verður hinni öru tæknibyltingu 20. aldar gerð góð skil og hvernig þróun í tækni og iðnaði breytti lífsháttum mannkynsins. Áhersla er lögð á mikilvægi og hagnýt gildi tækni- og iðnmenntunnar og hvernig hún nýtist í nútímasamfélagi. Áfanginn er ætlaður nemendum á öllum brautum framhaldsskóla.
20 feiningar.
Nemandi skal hafa öðlast þekkingu og skilning á:
hvaða áhrif iðn- og tæknibyltingar hafa haft á mannkynið
helstu tækniframförum
tengslum milli íslenskrar og erlendra tækniframfara
hvaða áhrif tækni hefur á daglegt líf okkar
mikilvægi iðn- og tækniþekkingar
þekkja starfs-, fyrirtækja- og menntunarumhverfi tækni og iðnaðar
Nemandi skal hafa öðlast leikni í að:
greina orsakir, afleiðingar og áhrif sem iðnbyltingin hafði á lifnaðarhætti hérlendis og erlendis
skilja muninn á frumvinnslu, fullvinnslu og vélvæðingu í iðnaði
gera sér grein fyrir rannsóknargildi tækninnar þ.e. skapa þörf og leita lausnar
afla sér heimilda um sérhæft efni og vinna úr þeim
Nemandi skal geta hagnýtt þá almennu þekkingu og leikni sem hann hefur aflað sér til að:
gera sér grein fyrir áhrifum tækni- og iðnbyltingarinnar
skilja áhrif tækninýjunga og notagildi þeirra
skilja hvernig þróun í tækni og iðnaði helst í hendur við eftirspurn, frramleiðslu og markaðsfærni
vera meðvitaðri um mikilvægi iðnaðar og tækni í nútímasamfélagi
Námsmat er útfært í kennsluáætlun í samræmi við skólanámskrá.