Farið er yfir gerð tölvustýrikerfa, staðsetningu íhluta, hlutverk þeirra og virkni kerfanna. Skoðaðar eru aðferðir til að prófa kerfin bæði með sveiflusjá og skanna. Farið er yfir hvaða atvik eða bilanir geti vakið bilanakóða og hvernig staðið skuli að viðgerð kerfanna. Áhersla lögð á hvað má og má ekki í umgengni við kerfin. Farið er yfir virkni netkefis (CAN) og tengingu þess við hreyfilstýringu ökutækja.
Nemandi skal hafa öðlast þekkingu og skilning á:
helstu gerðum tölvustýrikerfa hreyfla
helstu íhlutum og hvar þeir eru í ökutækinu
uppbyggingu samskiptamerkja hreyfla
Nemandi skal hafa öðlast leikni í að:
sinna reglubundnu viðhaldi og skipta um íhluti kerfa
mæla samskiptakerfi ökutækja
prófa kerfi með sveiflusjá og greiningarbúnaði
Nemandi skal geta hagnýtt þá almennu þekkingu og leikni sem hann hefur aflað sér til að:
lýsa helstu gerðum tölvustýrikerfa hreyfla og virkni þeirra
lýsa hvernig greina má einfaldar bilanir sem tengjast tölvustýrikerfum hreyfla
lýsa vinnslu samskiptabúnaðar í hreyfilstýringu ökutækja
Verklegt mat; nemandinn bendir á og lýsir kerfum og búnaði sem áfanginn spannar. Hann sýnir að hann geti beitt þeim mælitækjum og prófunarbúnaði sem varða áfangann. Nemandinn sýnir hvernig skuli greina ástand kerfa og hvernig kóðar eru lesnir og túlkar þá. Skriflegt mat; nemandinn leysir próf um fræðilega þætti áfangans.