Fjallað er um meginforsendur sem hönnuðir og tæknimenn leggja til grundvallar við hönnun og smíði fiskvinnsluvéla. Lögð er áhersla á skilning á vinnslumáta, takmörkunum og viðhaldskröfum vélanna. Fjallað er um takmörkun á heimildum til viðhalds og meðferðar, einkum varðandi raftengingar og stýrikerfi.
Lýst er öllum föstum og hreyfanlegum vélhlutum, hlutverki þeirra, virkni , viðhaldsþörf og eftirliti ásamt öryggiskröfum sem settar eru við vinnu, viðhald og þrif.
Nemendur fá verklega þjálfun í viðhaldi og þrifum véla ásamt eftirliti með gæðum afurða og stillingu í ljósi þeirra.
Þeir þjálfast í notkun handbóka, skráníngu viðhalsbóka skráningu varahlutalagers.
Nemandi skal hafa öðlast þekkingu og skilning á:
Hlutverki fiskvinnsluvéla, ferli hráefnis og afurða.
Meginforsendum sem hönnuðir og tæknimenn leggja til grundvallar við hönnun og smíði fiskvinnsluvéla og mati á rýmisþörf véla ásamt að- og fráflutningstækjum.
Öllum helstu gerðum fiskvinnsluvéla og kerfa í notkun hérlendis, framleiðendum þeirra, innflytjendum og þjónustuaðilum.
Uppbyggingu fiskvinnsluvéla, föstum og hreyfanlegum vélhlutum, smíðaefnum, sliti og tæringu.
Vélbúnaði fiskvinnsluvéla og flutningsbúnaði að og frá ásamt slitflötum.
Rafbúnaði fiskvinnsluvéla og orkuþörf. Takmörkum sem ófaglærðum eru sett varðandi meðhöndlun rafbúnaðar.
Skurðarbúnaði fiskvinnsluvéla, föstum hnífum og snúningshnífum.
Viðhaldi og eftirliti með föstum og hreyfanlegum vélhlutum og rafbúnaði ásamt færslu viðhaldsdagbókar.
Tæringu og fyrirbyggjandi ráðstöfunum.
Þrifum vélbúnaðar og meðferð hreinsiefna.
Aðgengi að öllum hlutum véla ásamt vinnuaðstöðu og öryggi starfsmanna.
Viðhaldi og eftirliti sem er á ábyrgð fyrirtækis annars vegar og umboðsmanns eða framleiðanda hins vegar. Framleiðsluábyrgð vélbúnaðar.
Handbókum framleiðenda, varahlutalista, lager og verkfærum á vinnslustað.
Rekstrarkostnaði véla.
Líffræðilegum einkennum mismunandi tegunda fisks með tilliti til vinnslu í vélum.
Vinnu við mötun véla og eftirliti vélbúnaðar, leiðsögn, hámarksvinnutíma, öryggismálum og öryggisbúnaði, þ.m.t. persónuhlífum.
Hámarkskröfum um gæði afurða úr vélum og gæðaviðmið ásamt eftirliti með afurðagæðum, gallalestri og ráðstöfunum við frábrigðum.
Uppsetingu framleiðsludagbókar og skýrsluhaldi.
Nemandi skal hafa öðlast leikni í að:
Afla upplýsinga frá frameiðendum og þjónustuaðilum fiskvinnsluvéla.
Flokka, vista og varðveita öll gögn sem snúa að ábyrgðarsviði hans.
Annast daglegt viðhald véla og sjá um að reglubundið stoppviðhald sé framkvæmt í samræmi við viðhaldsáætlun og fyrirmæli framleiðanda.
Annast lager fyrir varahluti og verkfæri og sjá til þess að slíkt sé fyrir hendi þegar til á að taka.
Bera ábyrgð á öryggismálum véla.
Stilla vélar í samræmi við árituð afköst og gæði.
Sjá um þrif véla.
Hafa eftirlit með afurðagæðum allra helstu tegunda fiskvinnsluvéla sem algengar eru hérlendis.
Nota handbækur og véladagbækur við vinnu sína.
Nemandi skal geta hagnýtt þá almennu þekkingu og leikni sem hann hefur aflað sér til að:
Annast rekstur, viðhald og þrif véla ásamt eftirliti með gæðum afurða og stillingu véla í ljósi þeirra.
Skilgreina tengsl milli rekstrar fiskvinnsluvéla og afkomu skipulagseiningar.