Farið er yfir rafbúnað ökutækja og fjallað um heiti, tilgang, virkni og aðgæsluatriði í umgengni við lágspentan og háspentan rafbúnað. Farið yfir grunnatriði í raffræði: U=IR, P=UI, I1+I2+I3=I4+I5, U=U1+U2, R=R1+R2...., R=1/R1+1/R2... Gerðar tilraunir og æfingar á verkefnabretti. Áhersla lögð á aðgæsluatriði, svo sem brunahættu, skammhlaup og sýrubruna.
Nemandi skal hafa öðlast þekkingu og skilning á:
almennum raftækjum og rafbúnaði ökutækja
helstu mæli- og prófunartækjum sem notuð eru við rafbúnað ökutækja
þörf fyrir varbúnað í raflögnum ökutækja
almennri raffræði í nútíma bifreiðum
Nemandi skal hafa öðlast leikni í að:
framkvæma mælingar og greina bilanir í rafbúnaði ökutækja
Nemandi skal geta hagnýtt þá almennu þekkingu og leikni sem hann hefur aflað sér til að:
miðla öðrum þekkingu sinni á þeim hættum sem eru við vinnu á veikstraums og sterkstraum rafkerfum bifreiða
reikna viðnám í mótstöðum tengdum á mismunandi hátt
gera viðeigandi mælingar á veikstraum og sterkstraums rafkerfi
mæla rafgeyma og meta ástand þeirra
Skriflegt mat 50%. Mætingar 20%. Verklegt mat 30%.