Rétting lausra yfirbyggingahluta, svo sem bretta og hurða. Frágangur samskeyta og fylling viðgerðra tjóna. Fjallað um notkun vökvatjakka við réttingu lausra hluta. Farið yfir mælingar yfirbygginga og grinda. Farið yfir tjónamatskerfið Cabas. Framkvæmd æfingaverkefni með lausum mælibúnaði og farið yfir mælikerfi og málblöð sem notuð eru við réttingu.
Nemandi skal hafa öðlast þekkingu og skilning á:
kröfum til burðarvirkis í reglugerð um gerð og búnað ökutækja
fylliefnum og meðferð þeirra
Nemandi skal hafa öðlast leikni í að:
rétta lausa hluti með viðeigandi búnaði
tjakka, rétta og þrykkja meðalstærð af tjóni á stökum lausum hlut
ganga frá afmörkuðum réttingafleti tilbúnum til málningar
Nemandi skal geta hagnýtt þá almennu þekkingu og leikni sem hann hefur aflað sér til að:
skoða áverka á ökutæki samkvæmt tjónamatskerfinu Cabas
lýsa mælitækni og mæliþörf á bifreiðatjónum og geti fyllt út mæliskýrslu
framkvæma einstakar burðarvirkismælingar með lausum búnaði og gera samanburðarmælingar með málstöngum og handmælingu
Vægi, skriflegt mat 40%. Verklegt mat 40%. Ástundun 20%.