Verkefni áfangans er mat á ástandi ökutækis eftir stórtjón og gerð Cabas-skýrslu. Togun og rétting á burðarvirkjum með framendatjón sem valdið hafa skekkju á hjólabúnaði. Mælingar og hlutaskipti framkvæmd með aðstoð vélræns mælibúnaðar. Hliðartjón skoðuð, athuguð og metin til viðgerða. Viðgerðir framkvæmdar á slíkum tjónum. Mæling með tölvustýrðum mælibúnaði kynnt. Teknar ljósmyndir af framvindu verkefna.
Nemandi skal hafa öðlast þekkingu og skilning á:
mælingum á efri hluta yfirbyggingar
áhrifum hliðartjóna og kunna skil á viðgerðum á þeim
virkni tölvustýrðs mælibúnaðar
Nemandi skal hafa öðlast leikni í að:
meta ástandi ökutækis eftir stórtjón
gera Cabas-skýrslu
Nemandi skal geta hagnýtt þá almennu þekkingu og leikni sem hann hefur aflað sér til að:
lýsa vélrænum mælibúnaði og mæla með slíkum búnaði bæði lengdar- og hæðarmælingar burðarvirkis og yfirmælingar hjólabúnaðar
gera mælingar á efri hluta yfirbyggingar undir leiðsögn með Laser-búnaði og með samanburðarmælingu
stilla upp ökutæki, mæla, toga og skipta um hluta burðarvirkis
Vægi felst í mati á smíðisgrip, vinnubrögðum og vinnuhraða. Verkefni 60%. Ástundun 20%. Mat 20%.