Rétting og umskipti hluta í efri hlutum yfirbygginga og þökum (toppum). Rétting á hurðagötum og ífelling hurða og rúða. Umskipti og rétting ytri klæðningar eða klæðningarhluta, rétting/umskipti hurðarstafa, þétting, fylling og frágangur á þessum tjónstöðum. Úrtekning og ísetning alls rúðuglers og búnaðar sem því tengist. Farið yfir vinnubrögð við ísetningu á rúðum við mismunandi aðstæður, bæði á lausum rúðum og föstum. Framkvæmdar þéttingar á gleri með mismunandi aðferðum og límingar á gleri og viðgerðir eftir steinkast. Úrtekning og ísetning innri klæðningar í þök, hliðar og gólf.
Áfanginn tengist BSK402.
Nemandi skal hafa öðlast þekkingu og skilning á:
helstu gerðum og eiginleika rúðuglers og búnaðar sem tengist vinnu við glerísetningu
algengum gerðum þéttinga og límefna fyrir gler
tækni til viðgerða á gleri eftir steinkast
Nemandi skal hafa öðlast leikni í að:
skipta um rúður af mismunandi gerðum og með mismunandi efnum og þéttingum
skipta um alla innri klæðningu og allan aukabúnað tilheyrandi ytri klæðningu
ganga frá samskeytum, fyllingu og frágangi á viðgerðum svæðum yfirbyggingar
Nemandi skal geta hagnýtt þá almennu þekkingu og leikni sem hann hefur aflað sér til að:
mæla upp, ákvarða viðgerðaraðferð og gera við samkvæmt því efri hluta yfirbyggingar
lagfæra hurðarföls og rúðugöt til ífellingar á rúðum, hurðum og hurðarhlerum eða gaflstykkjum
rétta og skipta um ytri þakklæðningar
Verklegt mat 60%. Ástundun 20%. Kennaraeinnkunn 20%.