Farið yfir vinnuverndarmál, svo sem reglur um heilbrigði, hollustuhætti og öryggi á vinnustöðum, ýmsar hættur í störfum og örugg vinnubrögð. Skoðuð áhöld og verkfæri sem notuð eru á ökutækjaverkstæðum. Skoðuð sérverkfæri og áhöld til sérgreindra verka. Farið yfir notkunarsvið og vinnuverndaratriði sem tengjast ýmsum verkstæðisbúnaði, einkum málmsuðutækjum, lyftitækjum, þrýstilofts- og rafknúnum tækjum og aflverkfærum. Farið yfir meðhöndlum skrúffestinga, þ.m.t. að gera við skrúfgang og bora úr slitna bolta. Fjallað um hættuleg efni og eitrunarhættu og bruna- og sprengihættu. Mikilvægi þess að íhuga hættur og þekkja viðbrögð við óhöppum. Hreinlæti og meðferð úrgangs og spilliefna. Áhersla á fagmennsku við alla þætti sem snerta starfið.
Nemandi skal hafa öðlast þekkingu og skilning á:
þeim almennu og sérstöku hættum sem fylgja störfum á ökutækjaverkstæðum og valdið geta slysum, sjúkdómum og skemmdum á verðmætum
persónulegum öryggisbúnaði og reglum um notkun
öryggis- og hlífðarbúnaði sem er á tækjum eða verkfærum
helstu almennu verkfærum og sérverkfærum sem notuð eru á ökutækjaverkstæðum, notkun þeirra og umhirðu
algengum skrúffestingum og lyklastærðum
Nemandi skal hafa öðlast leikni í að:
meta hættur á vinnustað
velja réttan hlífðarbúnað
velja réttu verkfærin
nota stærri sem smærri verkfæri við vinnu á ökutækjaverkstæðum
Nemandi skal geta hagnýtt þá almennu þekkingu og leikni sem hann hefur aflað sér til að:
gera grein fyrir þýðingu hugtaksins fagmennska
lýsa reglum um hreinlæti og meðferð úrgangs og spilliefna
sýna hvernig nota á persónulegan öryggisbúnað
gera grein fyrir samábyrgð allra á vinnustaðnum um örugg vinnubrögð
meta ástand almennra áhalda og verkfæra sem notuð eru á ökutækjaverkstæðum
lýsa meðferð, hirðu og beitingu almennra áhalda og verkfæra sem notuð eru á verkstæðum
lýsa notkun og meðferð verkstæðisbúnaðar: málmsuðutækja, lyftitækja, þrýstilofts- og rafknúinna tækja, aflverkfæra og ýmissa léttitækja
gera við skrúfgang og bora úr slitna bolta
Verklegt mat; nemandinn nefnir, lýsir og greinir frá notkun og beitingu og hirðu tækja og búnaðar á verkstæðum fyrir ökutæki. Hann sýnir að hann hafi vald á undirstöðuverkþáttum s.s. að gera við skrúfgang og bora úr slitna bolta. Skriflegt mat; nemandinn leysir próf um almenna og fræðilega þætti áfangans.