Efni áfangans er tvívíð rúmfræði þar sem vigurhugtakið skipar aðalhlutverk. Auk þess eru hornaföll skilgreind og unnið með þau á almennan hátt.
Um er að ræða töflukennslu og hópavinnu en auk þess er efnið tilvalið til að nemendur kynni sér það sjálfir. Samhliða þessum kennsluháttum er svo leiðsagnarnám þar sem nemendur er leiddir áfram skref fyrir skref.
STÆR2HJ05 - (Stæ203)
Nemandi skal hafa öðlast þekkingu og skilning á:
vigurhugtakinu og aðgerðum á vigra
flatarmyndum, þrí- og ferhyrningum
einingarhringnum og skilgreiningu hornafalla
einingum sem notaðar eru til að mæla horn, gráður og bogaeiningar
jöfnum hrings, sporbaugs og breiðboga
ofanvarpi, jafnt punkts sem vigurs á línu
Nemandi skal hafa öðlast leikni í að:
teikna vigra, -samlagningu og –frádrátt
nota einingarhringinn til að fá allar lausnir á hornafallajöfnum
nota ofanvörp til að finna staðsetningar og fjarlægðir
nota vigra til að lýsa færslu hluta t.d.í formi krafta
nota innfeldi tveggja vigra til að finna horn milli þeirra
geta rakið sannanir á helstu reglum úr námsefninu
nota vigurreikning til að teikna einfaldar (hreyfi)myndir með tölvuforriti, s.s. GeoGebra
Nemandi skal geta hagnýtt þá almennu þekkingu og leikni sem hann hefur aflað sér til að:
útskýra einingarhringinn fyrir óupplýstum
sýna almennan skilning á vigrum og vigraaðgerðum
útskýra jöfnur hrings, sporbaugs og breiðboga
miðla efninu til annarra á þann hátt að þeir upplifi áfangann sem eina heild hvað varðar samhengi hluta
gera sér grein fyrir mismunandi framsetningu á stærðfræðilegum verkefnum og lausnum
túlka tölulegar niðurstöður á rúmfræðilegan hátt
tengja hornafræði og vigurreikning við aðrar greinar t.d. eðlisfræði
geta fylgt eftir röksemdum í texta
Byggir á lokaprófi, vinnusemi í kennslutíma, heimanámi og hópvinnu og skyndiprófum.