Áfanginn byggist á verulegu leyti á verkefnavinnu í kennslustundum þar sem nemendur vinnna verkefni sín undir leiðsögn kennara. Námið fer fram bæði innan og utan skólans og sækja nemendur sér fróðleik og gögn á fjölbreytta vegu. Virk þátttaka nemenda í eigin námi liggur til grundvallar og því er mikið lagt úr að auka áhuga þeirra á umhverfi sínu og náminu almennt. Einkunnar orð áfangans eru samvinna og ábyrgð.
Nemandi skal hafa öðlast þekkingu og skilning á:
helstu hugtökum eins og sjálfbærni, auðlindir, landnýting, vistfræði og náttúruhamfarir
einkennum gróðurfars og jarðfræði svæðisins
áhrifum mannsins á náttúruna og eigin ábyrgð
viðfangsefnum sem eru áberandi í þjóðfélagsumræðu á hverjum tíma
Nemandi skal hafa öðlast leikni í að:
afla sér upplýsinga um umhverfi sitt
kynna sér málefni úr fréttum eða fjölmiðlum út frá landafræði eða náttúrufræði fyrir samnemendum sínum
skipuleggja vettvangsferð eða heimsókn tengd efni áfangans
Nemandi skal geta hagnýtt þá almennu þekkingu og leikni sem hann hefur aflað sér til að:
meta upplýsingar og vinna með þær á gagnrýnan hátt þannig að þær skili nemenda þekkingu og aukinni hæfni til náms í náttúrufræði
geta gert sér grein fyrir sjónarmiðum sínum og skoðunum
geta skipst á skoðunum við aðra og útskýra hugmyndir sínar fyrir samnemendum sínum
draga skynsamlegar ályktanir um ábyrgð sína í tengslum við umhverfis- og náttúruvernd og hve mikilvægt framlag hvers einstaklings er
greina stöðu sína í umhverfinu sem hann lifir í, bæði í samfélaginu og náttúrulegu umhverfi
skilja mikilvægi þess að jafnrétti ríki í verkefnavinnu og umræðum
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá.