Það kom upp villa senda inn  Áfangi

    Áfangi Nánari upplýsingar


    Búið til: 1505224185.17

    Listasaga 19. og 20. aldar
    LISA2RA05
    2
    ListaSaga
    Abstrakt expressionismi, Rómantík
    Samþykkt af skóla
    2
    5
    Í áfanganum lærir nemandinn um forsendur sjónlista frá rómantík á fyrri hluta 19. aldar fram að popplistinni um 1960. Hann gerir sér grein fyrir eðli þeirra þátta sem mótað hafa listsköpun mannsins á hverjum tíma. Helstu þræðir listasögunnar eru raktir og settir í samhengi við samfélagsgerð og samfélagsbreytingar, stjórnarfar, heimspeki, hugmyndafræði og tæknibreytingar. Ljósi er varpað á áhrif tímabilsins á nútímalistir. Nemandinn vinnur undir leiðsögn kennara þar sem kallað er eftir að hann sé virkur, skapandi og sjálfstæður í þekkingarleit. Nemandinn nýtir sér fjölbreytta miðla við upplýsingaöflun og þekkingarleit og nýtir sér tölvutækni og/eða nýmiðla við framsetningu verkefna sinna. Áhersla er lögð á ígrundaða hugsun og rökstuðning hugmynda.
    LISA1HN05
    Nemandi skal hafa öðlast þekkingu og skilning á:
    • helstu stíleinkennum í myndlist frá rómantík til abstrakt expressionisma
    • þeim hugtökum, aðferðum og heimspeki sem felast í listasögu
    • verkum helstu myndlistarmanna á tímabilinu frá Rómantík að Popplist
    • menningarlegu og lýðræðislegu gildi lista
    • gildi þekkingar á listasögu
    • hvernig samfélagsgerð og tíðarandi hefur áhrif á hugmyndir, viðfangsefni og vinnuaðferðir myndlistarmanna
    • áhrifum tímabilsins á þróun nútímalistar
    Nemandi skal hafa öðlast leikni í að:
    • vinna á skapandi hátt í einstaklings- og hópverkefnum áfangans og sýna frumkvæði
    • taka þátt í samvinnu, upplýsingaöflun og samræðum í kennslustundum með sameiginlegt markmið hópsins að leiðarljósi
    • nota heimildir samkvæmt APA kerfinu eða öðrum sambærilegum skráningarkerfum heimilda
    • beita innsæi, tilfinningu og sjálfstæðum vinnubrögðum við útfærslu verkefna undir leiðsögn kennara
    Nemandi skal geta hagnýtt þá almennu þekkingu og leikni sem hann hefur aflað sér til að:
    • tjá sig um strauma og stefnur í heimi lista á því tímabili sem áfanginn spannar og miðla þekkingu sinni á skýran og gagnrýninn hátt
    • gera þekkingu sinni skil með margvíslegum hætti, skriflega, munnlega og með nýmiðlum
    • taka þátt í uppbyggilegri og frjórri samræðu um verkefni sín og annarra,
    • ígrunda og rökstyðja mál sitt
    • beita faglegum hugtökum til að tjá sig um þekkingu sína á stíleikennum, stílbrögðum og túlkunarleiðum í heimi lista á því tímabili sem áfanginn spannar
    Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá.