Það kom upp villa senda inn  Áfangi

    Áfangi Nánari upplýsingar


    Búið til: 1505225475.56

    Litafræði
    MYNL3LM05
    8
    myndlist
    Litafræði
    Samþykkt af skóla
    3
    5
    Markvissar tilraunir í blöndun lita: Mismunandi blöndunarþáttur lita kannaður, hvernig litur breytist út frá breytingum á tóni, blæ eða ljósmagni. Litgreining á jarðlitum. Skoðað hvernig litur breytist eftir mismunandi samhengi. Tilraunir með litalampa. Blöndun lita með ljósi og skuggavarp þar sem andstæður litur birtist í skugga. Samspil tónlistar og litar skoðuð. Túlkun á lit eftir persónulegri upplifun.
    MYNL3ÞR05 og MYNL3TB05
    Nemandi skal hafa öðlast þekkingu og skilning á:
    • kenningum/lögmálum litafræðinnar; litahringnum, andstæðum litum, heitum og köldum litum (Johannes Itten)
    • litgreiningu; greina liti og vita hvaða liti þarf til að blanda ákveðna liti úr umhverfinu
    • ljósi og skugga, þ.e. ljósi í lit og virkni þess í veruleikanum þar sem andstæðir litir birtast í skugga
    • áhrifum tónlistar á skynjun lita og forma (Vassily Vassilyevich Kandinsky)
    • blæbrigðum litar þegar hann við fyrstu sýn virðist einn litur en er svo margir við nánari skoðun
    • einlit (monochrome), að einn litur getur haldist sami litur þó svo að birtumagn hans aukist eða minnki
    • myndgreiningarforriti (Adobe kuler) og notkun þess við litgreiningu mynda í tölvum áhrifum litar á rýmiskennd á tvívíðum fleti
    Nemandi skal hafa öðlast leikni í að:
    • beita lögmálum litafræðinnar við blöndun lita
    • finna og greina liti í umhverfinu
    • sjá andstæða liti í skuggum
    • nota ljósmyndatækni við að taka myndir af skuggum
    • framkvæma tilraunir og setja þær fram á frambærilegan og persónulegan hátt
    Nemandi skal geta hagnýtt þá almennu þekkingu og leikni sem hann hefur aflað sér til að:
    • geta blandað hvern þann lit sem hann finnur í umhverfi sínu
    • nýta sér lögmál andstæðra lita; hvernig þeir vinna saman og hafa örvandi áhrif á virkni hver annars
    • nýta áhrif litar á myndbyggingu og áhrif á rýmiskennd
    • geta greint mismunandi litbrigði í einföldum lit
    • nota myndavél til þess að mynda virkni andstæðra lita eftir mismunandi ljósi
    • geta nýtt sér áhrif tónlistar á listsköpun sína
    Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá.