Markmið áfangans er að nemendur fái innsýn í heim kvikmynda. Áhersla er lögð á að kenna nemendum að fylgja þræði í kvikmyndinni þannig að þeir geti sagt frá eða unnið úr honum á annan hátt. Nemendur læri að skoða, ræða og greina menningu og samfélag í gegnum kvikmyndir og þjálfist um leið í gagnrýnni hugsun og færni í tjáskiptum og rökræðum eins og kostur er.
Nemandi skal hafa öðlast þekkingu og skilning á:
heimi kvikmyndanna eins og kostur er
skoðunum, hefðum og gildum sem koma fram í þeim kvikmyndum sem sýndar eru í áfanganum
menningarlegu gildi kvikmyndanna
skemmtanagildi kvikmyndanna
Nemandi skal hafa öðlast leikni í að:
skilja texta kvikmynda og myndmál eins og kostur er
rökræða, skiptast á skoðunum um kvikmyndir
skrifa kvikmyndarýni
meta upplýsingar á gagnrýninn hátt
flytja af nokkru öryggi ræður, endursagnir, lýsingar og/eð kynningar á tileknum málefnum
Nemandi skal geta hagnýtt þá almennu þekkingu og leikni sem hann hefur aflað sér til að:
njóta kvikmynda
öðlast færni í tjáskiptum og rökræðu
draga saman aðalatriði
beita gagnrýninni hugsun við lestur, túlkun og úrvinnslu kvikmyndanna
átta sig á samfélagslegum skírskotunum eins og kostur er
Símat sem byggir á áhuga og virkni nemanda í ýmis konar verkefnagerð.