Það kom upp villa senda inn  Áfangi

    Áfangi Nánari upplýsingar


    Búið til: 1534252866.98

    Náms og starfsfræðsla með áherslu á byrjun starfsferils
    STAR1ST04(AV)
    24
    Starfsumhverfi og vinnustaðakynning
    Starfsnám á vinnustað 1
    Samþykkt af skóla
    1
    4
    AV
    Í áfanganum kynnast nemendur helstu atvinnufyrirtækjum í nærsamfélaginu og þeim möguleikum sem þau bjóða upp á með tilliti til atvinnuþátttöku. Nemendur fá kynningu á helstu reglum (skrifuðum sem óskrifuðum) sem gilda á vinnustöðum og farið verður yfir almenn samskipti á vinnustað. Nemandinn fær tækifæri til að víkka reynsluheim sinn með þvi að upplifa og kynnast margvíslegum störfum. Nemandinn undirbýr og vinnur úr starfsnámi og vettvangsheimsóknum sem hann tekur þátt í.
    Nemandi skal hafa öðlast þekkingu og skilning á:
    • atvinnutækifærum og fyrirtækjum í nærsamfélaginu
    • þeim atriðum sem taka ber tillit til við starfsval
    • tilgangi starfa og mikilvægi þeirra í tengslum við önnur störf
    • eigin styrkleikum og mikilvægi góðra samskipta
    • reglum, öryggi og hollustuháttum á almennum vinnustöðum
    • fjölbreyttum starfsheitum
    • fjölbreyttum vinnustöðum
    • mikilvægi þess að fara út á vinnumarkaðinn að skóla loknum
    Nemandi skal hafa öðlast leikni í að:
    • flokka atvinnufyrirtæki eftir eðli þeirra
    • meta eigin kunnáttu og reynslu með tilliti til starfsvals
    • bera ábyrgð á sjálfum sér og eigin gjörðum, t.d. að mæta á réttum tíma til vinnu
    • taka þátt í samræðum, bera virðingu fyrir skoðunum annarra og sýna umburðarlyndi
    • meta hættur í vinnuumhverfi
    • tengja viðgeigandi starfsheiti við vinnustaði
    • taka þátt í umræðum um ákveðin starfsheiti og sækja sér upplýsingar um ný og framandi starfsheiti
    • vinna úr vettvangsheimsóknum með ýmsu móti
    • búa til verkefnabók
    Nemandi skal geta hagnýtt þá almennu þekkingu og leikni sem hann hefur aflað sér til að:
    • taka þátt í atvinnulífinu
    • velja sér starfsvettvang
    • vera ábyrgur starfsmaður og hæfur til samvinnu
    • nýta sér hlífðarbúnað og hjálpartæki á vinnustað og forðast hættur
    • þekkja mismunandi starfsheiti og átta sig á hlutverkum sem í þeim felst
    • átta sig á mismunandi kröfum og/eða menntun sem liggja að baki ýmissa starfsheita
    • taka þátt í atvinnulífinu og gera sér grein fyrir samhengi milli atvinnugreina
    • þekkja viðeigandi hegðun í vettvangsheimsóknum og í starfsnámi
    Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá.