Viðfangsefni áfangans eru undirstöðuhugtök evklíðskrar rúmfræði. Í áfanganum er lagður grunnur að skipulögðum vinnubrögðum, röksemdafærslu og nákvæmni í framsetningu við lausn verkefna í stærðfræði.
Nemandi skal hafa öðlast þekkingu og skilning á:
undirstöðuhugtökum evklíðskrar rúmfræði
hæð, miðlínu, og helmingalínu horns í þríhyrningi
ferilhornum, miðhornum og reglum um tengsl þeirra við hringboga
einshyrndum þríhyrningum og reglu þar um
umhring og innhring þríhyrnings
hornasummu þríhyrnings
reglu Pýþagórasar
flatar- og ummáli
rúmmáli og yfirborðsflatarmáli
rúmmálseiningum
hornaföllum
metrakerfinu, mælingum, flatarmáli og rúmmáli
Nemandi skal hafa öðlast leikni í að:
vinna á nákvæman og skipulagðan hátt með tölur og táknmál stærðfræðinnar
beita undirstöðuatriðum evklíðskrar rúmfræði til að leysa margs konar verkefni, s.s. til að finna horn og hliðar í einföldum flatar- og rúmmyndum og reikna flatar- og rúmmál þeirra
temja sér gagnrýna en um leið skapandi hugsun
Nemandi skal geta hagnýtt þá almennu þekkingu og leikni sem hann hefur aflað sér til að:
setja margs konar verkefni upp með táknmáli stærðfræðinnar og leysa þau
beita skipulögðum aðferðum við lausn verkefna og rökstyðja aðferðir sínar
skrá lausnir sínar skipulega og skiptast á skoðunum um þær við aðra
átta sig á tengslum ólíkra aðferða við framsetningu
vinna með merkingu og tengsl hugtaka í námsefninu
beita frumkvæði, innsæi og frumleika við lausn verkefna
Námsmat er útfært í kennsluáætlun í samræmi við skólanámskrá.