Talnareikningur: Unnið með talnaskilning og undirstöðuatriði í almennum reikningi.
Prósentureikningur: Unnið með hugtakið prósenta og léttur prósentureikningur æfður.
Einföld algebra og léttar jöfnur: Unnið með stæður og jöfnur.
Nemendur hafi hæfnieinkunn D eða C úr grunnskóla.
Nemandi skal hafa öðlast þekkingu og skilning á:
samlagningu, frádrætti, margföldun og deilingu heilla talna og almennra brota
talnakerfinu, notkun sviga og röð aðgerða
námundun
að prósenta er hluti af hundraði
einföldum prósentureikningi
undirstöðuatriðum í algebru og jöfnureikningi.
Nemandi skal hafa öðlast leikni í að:
reikna í huganum
reikna dæmi með svigum og nota reglur um röð aðgerða
beita helstu aðgerðum á heilar tölur og brot
finna hluta, heild og prósentu.
hækka og lækka tölu um ákveðna prósentu
einfalda léttar stæður og leysa léttar jöfnur
margfalda inn í sviga og taka út fyrir sviga
einangra bókstaf út úr þriggja bókstafa jöfnu
Nemandi skal geta hagnýtt þá almennu þekkingu og leikni sem hann hefur aflað sér til að:
skrá lausnir sínar skipulega
skiptast á skoðunum við aðra um þær og útskýra hugmyndir sínar og verk
átta sig á tengslum ólíkra aðferða við framsetningu stærðfræðilegra hugmynda og viðfangsefna
skilja merkingu og tengsl hugtaka í námsefninu til notkunar í áframhaldandi námi
takast á við stærðfræðileg verkefni í daglegu lífi með opnum og jákvæðum huga
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá.