Í áfanganum er farið í undirstöðuatriði algebru, veldi, veldareglur og rætur. Einnig er farið í föll, gröf falla og hagnýt verkefni eru leyst. Hagnýting prósentu- og vaxtareiknings. Hornaföll í rétthyrndum þríhyrningi og einslögun. Unnið með flatarmál, rúmmál og yfirborð einfaldra strendinga.
Nemandi hafi hæfnieinkunnina B úr grunnskóla eða hafi lokið undirbúningsáfanga.
Nemandi skal hafa öðlast þekkingu og skilning á:
undirstöðuatriðum algebru
veldum, veldareglum og rótum
fallhugtakinu og túlkun grafa
prósentu og vaxtareikningi
hornaföllum í rétthyrndum þríhyrningi og einslögun
hugtökunum; hringur, radíus, þvermál og ummál hrings
hornasummu þríhyrnings, topphorni, grannhorni, og hornum við samsíða línur
Nemandi skal hafa öðlast leikni í að:
vinna með einslögun og hornaföll í rétthyrndum þríhyrningi
leysa hagnýt verkefni í prósentu- og vaxtareikningi
teikna upp fall út frá gildatöflu og lesa út úr grafinu ýmsar upplýsingar
beita velda- og rótarreglum
beita reglum sem gilda í bókstafareikningi, sbr. að þátta, liða og leysa jöfnur
reikna flatarmál og ummál þríhyrninga og ferhyrninga
reikna rúmmál og yfirborð ferstrendinga
reikna hornasummu þríhyrnings til að finna horn
nota reglur um topphorn, grannhorn og horn við samsíða línur
Nemandi skal geta hagnýtt þá almennu þekkingu og leikni sem hann hefur aflað sér til að:
setja margskonar verkefni upp með táknmáli stærðfræðinnar og leysa þau
beita skipulögðum aðferðum við lausn verkefna og rökstyðja aðferðir sínar
beita skipulögðum aðferðum við lausn verkefna og rökstyðja aðferðir sínar
skrá lausnir sínar skipulega og skiptast á skoðunum um þær við aðra
átta sig á tengslum aðferða við framsetningu
beita frumkvæði, innsæi og frumleika við lausn verkefna
nýta sér stærðfræðikunnáttuna í daglegu lífi
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá