Nemendur kynnast lestri smásagna og geti rætt sögur sem þeir lesa út frá hugtökum bókmenntafræðinnar. Halda lestrardagbók og læra helstu verkfæri til að skrifa sjálf sögur. Nemendur kynna sér einnig stuttmyndir og ræða hvað er sameiginlegt með stuttmyndum og smásögum.
Að nemendur hafi lokið a.m.k. 2 áföngum í ÍSAN.
Nemandi skal hafa öðlast þekkingu og skilning á:
- helstu einkennum smásagna
- helstu einkennum stuttmynda
- aðferðum og leiðum við að semja og segja sögu
Nemandi skal hafa öðlast leikni í að:
- tjá sig munnlega um efni og einkenni smásagna og stuttmynda
- skrifa smásögu
Nemandi skal geta hagnýtt þá almennu þekkingu og leikni sem hann hefur aflað sér til að:
- beita tungumálinu á viðeigandi hátt
- tjá rökstudda afstöðu sína til efnis og boðskapar
- draga saman aðalatriði, beita gagnrýnni hugsun við lestur og túlkun og úrvinnslu texta
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá.