Gagnasöfn, flokkun og einkennishugtök. Tíðni og tíðnidreifing, myndrit. Dreifing og stærðir sem einkenna dreifingu gagnasafna. Talningar, líkindi, skilyrt líkindi, líkindadreifingar. Fylgni og fylgnistuðlar. Úrtaksdreifing, öryggisbil, marktækni.
A.m.k. einn stærðfræðiáfangi á 2. þrepi
Nemandi skal hafa öðlast þekkingu og skilning á:
undirstöðuatriðum líkindareiknings, tvíkostadreifingu, normaldreifingu og úrtaksdreifingu
grundvallaratriðum tölfræði, s.s. meðaltölum, fylgni, dreifingum og frávikum
hagnýtingu framangreindrar stærðfræði á öðrum sviðum, s.s. í hagfræði, náttúruvísindum, umhverfismálum, tæknifræði, o.s.frv.
Nemandi skal hafa öðlast leikni í að:
nota EXCEL (töflureikni) við tölulega útreikninga o.fl.
meðhöndla tölur og talnasöfn
vinna með og túlka talnasöfn og myndrit
leysa einföld vandamál í fléttufræði og líkindareikningi
nýta einfalda líkindadreifingu sem líkan við útreikning líkinda
fara með hugtökin öryggisbil, öryggismörk, skekkjumörk
reikna fylgni milli tveggja breytna og túlka fylgnistuðla
Nemandi skal geta hagnýtt þá almennu þekkingu og leikni sem hann hefur aflað sér til að:
skilja merkingu og tengsl hugtaka í námsefninu og vinna með þau
beita skipulegum aðferðum við að leysa úr viðfangsefnum og þrautum, s.s. út frá þekkingu á lausnum svipaðra þrauta, geta unnið til baka frá þekktum stærðum eða með því að setja upp jöfnur
leggja mat á hvort niðurstöður reikninga og athugana séu í samræmi við viðfangsefnið
nýta tölfræðileg forrit við gagnavinnslu, prófanir og ályktanir
skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega á viðeigandi hátt.