Nemendur skipuleggja og fara í göngutúra, hvernig sem viðrar. Þeir lesa sér til um svæðið, þar sem farið er og undirbúa umræðuefni í litlum hópum. Á meðan gengið er eru teknar ljósmyndir. Hver hópur kynnir sitt þema og kemur með upplýsingar svo að aðrir geti rætt um þemað sem gæti verið á sviði: náttúrufræði, heimspeki, sálfræði, félagsfræði, lífsspeki, heilsu eða samskipta svo eitthvað sé nefnt. Sérhvert verkefni tekur tvær vikur. Nemendur útbúa veggspjöld með ljósmyndum, upplýsingum um svæðið, sem gengið var um eða annað að þeirra vali. Verkefnum má einnig skila í formi stuttmynda eða Power Point sýningar. Nemendur njóta náttúrunnar, skapa list og auka samskiptahæfni sína. Þeir fara úr skólastofunni og eru ánægðari í öðrum tímum, þar sem tilbreytingin gerir þá afslappaðri og fróðari.
Enginn undanfari
Nemandi skal hafa öðlast þekkingu og skilning á:
mismunandi gönguleiðum í náttúru Íslands
ljósmyndun í náttúrunni
sjálfum sér, eigin líkamsþreki og hugarástandi
mikilvægi fjölbreytileika við framsetningu verkefna
sjálfum sér, eigin líkamsþreki og hugarástandi
mikilvægi hjálpsemi og samábyrgðar einstaklinga í hópi
Nemandi skal hafa öðlast leikni í að:
Taka myndir í náttúrunni, skoða og vinna úr myndum
þekkja náttúrulega landslagið og velja sér leið
vinna að sköpunargáfu sinni
vinna í hópi, treysta og taka sameiginlegar ákvarðanir
Nemandi skal geta hagnýtt þá almennu þekkingu og leikni sem hann hefur aflað sér til að:
þekkja sjálfan sig og sín takmörk
vinna í hópi og fást sjálfsætt við sitt hlutverka í hópnum
taka þátt í umræðum og nota gagnrýna hugsun
vera skapandi og nýta fjölbreyttar leiðir við úrvinnslu og framsetningu verkefna