Í mennta- og menningamálaráðuneytinu er nú unnið að undirbúningi nýrrar aðalnámskrár fyrir leikskóla, grunnskóla og framhaldsskóla á grundvelli laga um þessi skólastig frá 2008. Aðalnámskrá byggir á menntalögum hverju sinni og útfærir stefnu sem löggjafinn markar.
Í almennum hluta aðalnámskrár er kveðið á um hlutverk, markmið og fyrirkomulag skólastarfs. Í námskrám leikskóla, grunnskóla og framhaldsskóla er lýst nánar hlutverki hvers skólastigs og séráherslum á hverju þeirra. Aðalnámskrá er rammi um skólastarfið og leiðarljós fyrir nemendur og forráðamenn þeirra, kennara, aðra starfsmenn skólanna og skólastjórnendur, fræðsluyfirvöld í sveitarfélögum og aðra starfsmenn í menntakerfinu.
Lög gera ráð fyrir að sveitarfélög sem rekstaraðilar skóla birti skólastefnu sína fyrir leik- og grunnskóla. Skólum á öllum skólastigum ber, samkv. lögum, að gefa út skólanámsskrár. Í skólanámskrá eru áherslur aðalnámskrár útfærðar í samræmi við skólastefnu rekstraraðila og áherslur í hverju tilviki.
Þessu vefsvæði er ætlað að halda utan um allar upplýsingar og vinnu við afmörkun og þróun komandi námskráa.
Ábyrgðar- og umsjónaraðili 
Fréttaveita