Í áfanganum læra nemendur grunnatriði í fatasaumi og að vinna á saumavél. Kennsla fer fram í hvernig grunnsnið eru notuð og hvernig einfaldar sniðbreytingar eru gerðar einnig út frá tilbúnum sniðum. Saumaðar eru prufur og einfaldar flíkur. Áhersla er lögð á að nemendur temji sér vönduð vinnubrögð og læri að vinna vöru frá hugmynd til endanlegrar vöru. Í lok annar á nemandi að hafa safnað saman í eina möppu skissum, verkefna- og vinnulýsingum, sniðum, prufum og myndefni, því er mikilvægt að halda vel utan um allt vinnuferli áfangans.
SJÓN1TE05 eða
SJÓN2LF05
Nemandi skal hafa öðlast þekkingu og skilning á:
notkun algengustu tegunda saumavéla og geti leyst mismunandi vandamál sem geta komið upp við notkun þeirra
ýmsum tækniatriðum á saumavél/overlock með mismunandi prufusaumi
að taka líkamsmál og bera þau saman við máltöflur og vinna út frá tilbúnum sniðum
að nota grunnsnið og gera einfaldar breytingar s.s. stytta, síkka, víkka og þrengja
að skissa sínar eigin hugmyndir og gera sér grein fyrir umfangi og útfærslu hugmyndar
Nemandi skal hafa öðlast leikni í að:
þekkja útlit og heiti hinna ólíku sniðhluta og geti stuðst við skýringar og leiðbeiningartexta
raða sniðhlutum á efni eftir áferð, mynstri og efnisbreidd og kunni skil á sniðmerkingum og saumförum
temja sér vönduð vinnubrögð í saumaskap og geti gert vinnulýsingu í orðum og teikningum
gera útreikninga á efnismagni eftir efnisbreidd
vinna á mismunandi saumavélar og nýta sér tæki og tól sem tilheyra saumaskap
Nemandi skal geta hagnýtt þá almennu þekkingu og leikni sem hann hefur aflað sér til að:
átta sig á umfangi og útfærslu á mismunandi sniðum í mismunandi fatnaði
greina hvaða efni og aðferð passa viðfangsefninu hverju sinni
útfæra snið í einfaldar flíkur eftir eigin hugmyndum og fullgera þær
gagnrýna eigin verk og annarra út frá formi,efnisnotkun og aðferðum
kunna skil á hugmyndavinnu og upplýsingaöflun í tölvu og öðrum miðlum