Það kom upp villa senda inn  Áfangi

    Áfangi Nánari upplýsingar


    Búið til: 1453500457.4

    Saga á fyrsta námsári
    SAGA2EÍ08
    90
    saga
    evrópusaga, íslandssaga
    Samþykkt af skóla
    2
    8
    Þættir úr Evrópusögu og Íslandssögu frá upphafi til 19. aldar. Farið er í valda efnisþætti á eftirfarandi sviðum: a) Mannkynsaga: Endurreisn, landafundir og siðaskipti; upphaf nútímaþjóðfélaga, upplýsingarstefna, iðnbylting, lýðræðis- og stjórnarfarsþróun. b) Saga Íslands frá upphafi fram á 19. öld: Landnám, þjóðveldi og stjórnarfarsþróun, Ísland undir erlendri stjórn, siðaskipti, galdraöld og upplýsing.
    Nemandi skal hafa öðlast þekkingu og skilning á:
    • -meginþáttum samfélaga í Evrópu og nokkrum samfélögum utan Evrópu á síðari öldum.
    • -hvernig listir og menning nútímans sækja til endurreisnar og listastefna tímabilsins.
    • -hvernig ákveðnir þættir eldri menningar hafa haft áhrif á samfélög nútímans.
    • -því að ýmis hugtök í nútímaumræðu eru mótuð á þessu tímaskeiði sögunnar, t.d.
    • í upplýsingarstefnu og frönsku byltingunni.
    • -meginþáttum íslensks þjóðfélags á fyrri öldum og áhrifum þeirra á íslenskt nútímasamfélag.
    • -hvernig saga Íslands tengist mannkynssögu.
    • -mikilvægi gagnrýninnar hugsunar.
    • -tegundum heimilda og helstu vinnubrögðum við heimildaleit og heimildanotkun.
    Nemandi skal hafa öðlast leikni í að:
    • -lesa einfalda sagnfræðilega texta á íslensku og ensku og túlka merkingu þeirra.
    • -tengja atburði samtímans við fortíðina og geti lýst sögulegri þróun og framvindu.
    • -nota fjölbreyttar gerðir heimilda.
    • -að tjá sig munnlega og skriflega um tiltekin söguleg fyrirbæri tímabilsins.
    • að þjálfa, viðhalda og styrkja markmið sagnfræðilegra vinnubragða, m.a. með hliðsjón af upplýsingartækni nútímans.
    • -að kynna sögulegt efni fyrir jafningjum af nokkurri dýpt.
    Nemandi skal geta hagnýtt þá almennu þekkingu og leikni sem hann hefur aflað sér til að:
    • -koma söguþekkingu sinni og söguskilningi til skila á fjölbreyttan hátt.
    • -geta séð sjálfan sig sem þátttakanda og skoðanda í sögulegu samhengi.
    • -öðlast tímaskyn í sögulegu samhengi og átta sig á sögulegu afstæði.
    • -geta tekið þátt í flóknari skoðanaskiptum og rökræðum um sagnfræðileg efni.
    • -tjá sig með hugtökum sem notuð eru í lýðræðisþjóðfélagi og komin eru úr sögu tímabilsins, t.d. úr frönsku stjórnarbyltingunni.
    • átta sig á að skoðanir geti byggt á sögulegu afstæði og temja sér víðsýni sem dragi úr fordómum.
    • -öðlast leikni í að tjá sig í ræðu og riti um efni áfangans með skírskotun til samtímans.
    Leiðsagnarmat