Það kom upp villa senda inn  Áfangi

    Áfangi Nánari upplýsingar


    Búið til: 1454679284.61

    Líkamsrækt og heilsuefling 4
    LÍKA1GR01
    9
    líkamsrækt
    Áhersla lögð á gildi reglulegrar og skipulagðrar líkamsþjálfunar
    Samþykkt af skóla
    1
    1
    Áfanginn er að mestu leyti verklegur. Lögð er áhersla á gildi reglulegrar og skipulagðrar líkamsþjálfunar og nemendum gerð grein fyrir ábyrgð á eigin líkama. Með virkri þátttöku í áfanganum er lögð áhersla á að nemendur fái sem fjölbreyttasta hreyfingu sem reynir hæfilega á hjarta- og æðakerfið, vöðvastyrk og viðhaldi liðleika. Farið er yfir fræðilega þætti tengda skipulagi þjálfunar og nemendur vinna verkefni sem snúa að undirbúningi og skipulagi eigin þjálfunar. Í kjölfarið gera nemendur eigin þjálfunaráætlun sem þeir fylgja yfir önnina. Framkvæmd eru þol- og styrktarpróf í upphafi og lok annar. Nemendur eru hvattir til að tengja tölvu og upplýsingatækni við skrásetningu upplýsinga og vinnu að eigin áætlanagerð.
    LÍKA1HL02 (LÍH1A02)
    Nemandi skal hafa öðlast þekkingu og skilning á:
    • ræktun líkama og sálar.
    • mikilvægi hreyfingar með tilliti til heilsueflingar, vellíðunar og góðs lífsstíls til framtíðar.
    • fjölbreyttum þjálfunaraðferðum allra grunnþátta: þols, styrks, liðleika, snerpu og hraða.
    • skipulagningu þjálfunar og mikilvægi markmiðssetningar.
    • hvaða þættir það eru sem þarf að hafa í huga þegar þjálfun er skipulögð.
    • aðferðum til að mæla og meta þjálfunarástand.
    • framkvæmd líkamlegra (afkasta)mælinga og úrvinnslu.
    Nemandi skal hafa öðlast leikni í að:
    • stunda hreyfingu á eigin forsendum sem orsakar jákvætt viðhorf til líkams- og heilsueflingar.
    • stunda fjölbreytta þjálfun þols, styrks og liðleika.
    • skipuleggja eigin þjálfun í líkams- og heilsurækt.
    • setja sér raunhæf markmið.
    • fara eftir eigin tímaáætlun.
    • meta eigin líkamsástand með mismunandi aðferðum.
    Nemandi skal geta hagnýtt þá almennu þekkingu og leikni sem hann hefur aflað sér til að:
    • stunda ”líkamsrækt fyrir lífstíð” sem metið er með verkefnavinnu
    • framkvæma eigin þjálfunaráætlun sem miðar markvisst að því að efla líkamshreysti og afköst. Þetta er metið með verklegum æfingum.
    • nálgast upplýsingar og nýta sér þær til að efla og viðhalda góðri heilsu. Þetta er metið með verkefnavinnu og verklegum æfingum.
    • nýta sér upplýsingatækni við alhliða líkams- og heilsurækt og mat á eigin heilsu sem metið er með verkefnavinnu.
    • leysa af hendi verkefni sem snúa að skipulagi eigin þjálfunar.
    Námsmat er byggt á ástundun og hæfni nemenda til að tileinka sér þekkingu og leikni áfangans ásamt líkamlegum mælingum sem eru í samræmi við það sem unnið er með hverju sinni. Nemandi heldur einnig þjálfunardagbók yfir önnina og leiðsagnarmat er markvisst notað.