Bókmenntir (fjölbreyttir textar), menning, orðaforði, rannsóknir og ritun
Samþykkt af skóla
2
9
Í þessum áfanga er lögð áhersla að nemendur lesi fjölbreyttar bókmenntir og læri að túlka þær og tileinka sér þann orðaforða og þau vinnubrögð sem því fylgir. Einnig eru krefjandi textar lesnir vandlega með tilliti til orðaforða og málskilnings og enn er aukið á þekkingu á málfræði. Einnig er lögð áhersla á bæði stýrða og frjálsa ritun.
sjá lokamarkmið enskunáms í grunnskóla
Nemandi skal hafa öðlast þekkingu og skilning á:
sögu, þjóðfélagsfræði og menningu á helstu málsvæðum enskunnar
ólíkum viðhorfum og gildum og hvernig þau móta menninguna í þeim löndum þar sem tungumálið er notað
rithefðum sem við eiga í textasmíð, m.a. um inngang með efnisyrðingu, meginmál með vel afmörkuðum efnisgreinum og niðurlag
mismunandi afstöðu og túlkun bókmennta og dýpri merkingu texta
hugtökum í bókmenntafræði
orðaforða í ræðu og riti sem gerir honum kleift að tileinka sér með góðu móti lesefni í áframhaldandi námi eða starfi
Nemandi skal hafa öðlast leikni í að:
tjá sig munnlega skýrt og hnökralaust um málefni sem hann hefur kynnt sér
tjá sig skriflega bæði á formlegan og óformlegan hátt
lesa sér til fræðslu og/eða ánægju fræðilega og bókmenntalega texta sem gera miklar kröfur til lesandans, bæði hvað varðar orðaforða og uppbyggingu
greina sögulegt, félagslegt, menningarlegt eða pólitískt samhengi í texta
nýta sér fyrirlestra, umræður og rökræður um efni fræðilegs og menningarlegs eðlis
skilja sér til gagns þegar fjallað er um flókið efni
átta sig á mismunandi málsniði og stíl í töluðu máli og undirliggjandi merkingu, viðhorfum og tilgangi þess sem talar
Nemandi skal geta hagnýtt þá almennu þekkingu og leikni sem hann hefur aflað sér til að:
skilja daglegt mál, fjölmiðlaefni, fræðigreinar, bókmenntir, geti lesið milli línanna og túlkað ljóð
skrifa formlegan og óformlegan texta og beita rithefðum sem við eiga í textasmíð
nýta nýjan orðaforða í ræðu og riti
beita málinu af lipurð og kunnáttu til að geta tekið fullan þátt í umræðum og rökræðum þar sem fjallað er um persónuleg, menningarleg, félagsleg og fjölmenningarleg efni
flytja vel uppbyggða frásögn, kynningu eða greinargerð, draga fram aðalatriði og rökstyðja mál sitt nokkuð nákvæmlega með dæmum og bregðast við fyrirspurnum
túlka og greina bókmenntaverk
lýsa skýrt og greinilega flóknum hlutum eða ferlum á sviði sem þeir hafa kynnt sér
skrifa texta með röksemdafærslu þar sem fram koma rök með og á móti og þau eru vegin og metin.