Meginmarkmið áfangans er að nemendur kynnist grundvallar hugtökum, kenningum og aðferðum í stjórnun og forystu fyrirtækja og stofnana. Farið er yfir grundvallaratriði í stjórnun fyrirtækja og starf stjórnenda, stjórnunarstíla, skipulag og skipurit. Þá er sérstaklega fjallað um markmiðasetningu, stefnumótun, grunnatriði mannauðsstjórnunar og verkefnastjórnun. Að auki er fjallað um hópa- og teymisvinnu, hvatningu í starfi og mikilvægi starfsánægju. Lögð er sérstök áhersla á stjórnun fyrirtækja í ferðaþjónustu. Lögð verður sérstök áhersla á stjórnun fyrirtækja í ferðaþjónustu.
Nemandi skal hafa öðlast þekkingu og skilning á:
Þróun stjórnunar sem fræðigreinar.
Grundvallarhugtökum og kenningum um stjórnun fyrirtækja.
Mikilvægi stjórnunar fyrir einstaklinga, fyrirtæki og samfélög.
Helstu hlutverkum stjórnandans.
Helstu atriðum varðandi árangursríka fundarstjórn.
Grunnatriðum mannauðsstjórnunar.
Helstu aðferðum sem notaðar eru til að leggja mat á árangur.
Nemandi skal hafa öðlast leikni í að:
Skipulagningu í stjórnun fyrirtækja.
Þátttöku í félags- og atvinnulífi.
Að útbúa starfsferilsskrá.
Skipulagningu fundarstjórnar.
Að útskýra mikilvægi stjórnunar fyrir einstakling, fyrirtæki og samfélag.
Að túlka skipurit og lýsa mikilvægi skýrra boðleiða í fyrirtæki.
Nemandi skal geta hagnýtt þá almennu þekkingu og leikni sem hann hefur aflað sér til að:
Leggja mat á stjórnun innan fyrirtækis og greina styrkleika og veikleika.
Leita lausna varðandi ýmsa þætti stjórnunar s.s. hvað varðar stjórnunarstíl, skipulag og starfsánægju.
Taka þátt í árangursríku hópstarfi og teymisvinnu í ferðaþjónustu.
Taka þátt í gerð stefnumótunnar fyrirtækja.
Beita aðferðum verkefnastjórnunar í störfum í ferðaþjónustu.
Námsmat samanstendur af fjölbreyttri verkefnavinnu yfir önnina og skriflegu lokaprófi.