Lesin stærðfræði á fyrsta námsári á náttúrufræðibraut: Algebra, margliður, föll og vigrar
STÆR2AH06
150
stærðfræði
algebra, föll, hornafræði, margliður, mengi
Samþykkt af skóla
2
6
L
Inngangur að mengjum og rökfræði. Bókstafareikningur, jöfnu- og ójöfnureikningur og hnitakerfi. Föll, margliður og eiginleikar þeirra. Annars stigs margliður og fleygbogar. Vigrar.
Nemandi skal hafa öðlast þekkingu og skilning á:
uppbyggingu stærðfræðikerfis út frá frumhugtökum, skilgreiningum, frumreglum og reglum með nákvæmum sönnunum
grunnhugtökum mengja- og rökfræði og talnakerfum
notkun bókstafareiknings við lausn á jöfnum og ójöfnum
rótum og tölugildum
hnitakerfinu, jöfnu beinnar línu og hrings
margliðum, þáttun þeirra og deilingu
annars stigs margliðum og gröfum þeirra
margliðujöfnum og ójöfnum
fallhugtakinu og helstu eiginleikum falla
vigrum og vigurreikningi
Nemandi skal hafa öðlast leikni í að:
að leysa jöfnur og ójöfnur
að meðhöndla rætur og tölugildi
að teikna línur og hringi í hnitakerfi, reikna fjarlægðir og skurðpunkta og leysa jöfnuhneppi
að leysa jöfnur og ójöfnur bæði með reikningum og myndrænt
að greina helstu eiginleika falla
að reikna með vigrum og að beita þeim í flatarmyndafræði
að setja fram skilgreiningar, reglur og sannanir
Nemandi skal geta hagnýtt þá almennu þekkingu og leikni sem hann hefur aflað sér til að:
skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega
sýna góð vinnubrögð í stærðfræði og nákvæmni í framsetningu
útskýra skipulega aðferðir við lausnir margvíslegra verkefna með vísun í reglur
vera læs á mál stærðfræðinnar og geta fylgt og skilið röksemdir
sýna skilning á fræðilegri stærðfræði
greina hvenær röksemdafærsla getur talist fullnægjandi sönnun og byggt upp einfaldar sannanir
Námsmat í þessum áfanga er á fræðilegum þætti stærðfræði sem byggist á:
reglubundnum skriflegum æfingum
frammistöðu nemandans í tímum og vinnubrögðum við heimanám
misserisprófum