Viðfangsefni áfangans eru fyrirbærafræði og fagurfræði líkama, skynjunar, listar og náttúru. Kynntar eru helstu hugmyndir og kenningar fyrirbærafræði, m.a. hugmyndir franska heimspekingsins Maurice Merleau-Ponty, ásamt hugmyndum um fagurfræði náttúru og hversdagsleika. Nemendur taka virkan þátt í umræðum og vinna rannsóknir á eigin umhverfi og veruleika.
Nemandi skal hafa öðlast þekkingu og skilning á:
helstu hugmyndum fyrirbærafræðilegrar heimspeki
helstu hugtökum fagurfræðinnar
rannsóknum sem byggja á daglegri skráningu á skynjun á umhverfi og veruleika
Nemandi skal hafa öðlast leikni í að:
tengja saman samtímalist og heimspeki
tengja hugtök um fagurfræði við náttúru og hversdagsleika
skrá skynjun sína á umhverfi í dagbækur
Nemandi skal geta hagnýtt þá almennu þekkingu og leikni sem hann hefur aflað sér til að:
tileinka sér kenningar heimspekinnar til að víkka hugmyndaheim sinn
tengja hugmyndir sínar fagurfræði og heimspeki í samræðum og skrifum
tileinka sér rannsóknir með daglegri skráninu í dagbók