Saga á þriðja námsári (vor): Þættir úr Íslandssögu og mannkynssögu 20.- 21. aldar.
SAGA3AA04(V)
16
saga
íslands- og mannkynssaga á 20. og 21. öld
Samþykkt af skóla
3
4
V
Byggt er að nokkru leyti á sjálfstæðum vinnubrögðum nemenda, heimildaleit, verkefnavinnu, úrvinnslu og framsetningu efnis. Farið er í valda þætti úr mannkyns- og Íslandssögu 20.-21. aldar.
Í mannkynssögu liggja til grundvallar 7 efnisflokkar. Þeir eru: a) Lýðræðisþróun á 20. öld; b) Þjóðríki og þjóðernisstefna; c) Árin milli heimsstyrjalda; d) Síðari heimsstyrjöld; e) Kalda stríðið; f) ófriður í Miðausturlöndum; g) Heimurinn á 21. öld.
Í Íslandssögu liggja til grundvallar 6 efnisflokkar.
Þeir eru: a) Sjálfstæðisbaráttan og stjórnmálaþróun; b) Atvinnuþróun á 20. öld; c) Millistríðsár og seinni heimsstyrjaldarár á Íslandi; d) Öryggis- og varnarmál Íslands á 20. öld; e) Saga Íslands eftir seinni heimsstyrjöld; f) Saga Íslands á 21. öld.
SAGA2EÍ08
Nemandi skal hafa öðlast þekkingu og skilning á:
mikilvægum þáttum Íslandssögu 19.-20. aldar, m.a. í sjálfstæðisbaráttu, stjórnmálasögu, atvinnusögu og efnahagssögu.
mótun íslensks nútímaþjóðfélags.
grunnþáttum íslensks samfélags, bakgrunni þess og uppbyggingu, og grundvallaratriðum íslenskrar stjórnskipunar.
almennum mannréttindum í lýðræðisþjóðfélagi.
völdum þáttum mannkynssögu 19.-21. aldar.
þeim atriðum sem mótað hafa sögu Íslands í innlendu og alþjóðlegu samhengi.
Nemandi skal hafa öðlast leikni í að:
lesa flóknari sagnfræðilega texta á íslensku og ensku og túlka merkingu þeirra.
tengja nútímasamfélag við fortíðina og geti lýst sögulegri þróun og framvindu.
meta gildi og áreiðanleika heimilda og nýta fjölbreytni þeirra.
tjá sig munnlega og skriflega um flókin söguleg viðfangsefni.
að þjálfa, viðhalda og styrkja markmið fyrri námsþrepa.
að kynna sögulegt efni fyrir jafningjum af töluverðri dýpt.
fjalla um samhengi Íslandssögu og nágrannalanda.
Nemandi skal geta hagnýtt þá almennu þekkingu og leikni sem hann hefur aflað sér til að:
koma söguþekkingu sinni og söguskilningi á framfæri með þroskuðum hætti.
fá dýpri skilning á grundvallarhugtökum í nútímalegu lýðræðisþjóðfélagi.
þekkja stjórnmálaleg hugtök og stjórnmálastefnur sem fram komu á 19. og 20. öld.
geta tekið þátt í flóknum skoðanaskiptum og rökræðum um sagnfræðileg efni.