Í áfanganum eru helstu áfangastaðir í ferðaþjónustu um heim allan kynntir. Þá er sérstaklega fjallað um hinn íslenska ferðamann og hverju hann sækist eftir á ferðalögum erlendis. Farið er yfir það sem gerir áfangastaði áhugaverða í augum ferðamanna og skoðað hvað gerir hvert svæði/stað að aðdráttarafli í ferðaþjónustu. Þar að auki er fjallað um mismunandi ferðamöguleika, ólíkar aðstæður, misjafnt aðgengi og styrkleika og veikleika ákveðinni ferðamannastaða. Í áfanganum er lögð áhersla á aukna leikni í notkun ferðahandbóka og alþjóðlegra landakorta auk þess að nemendur hljóta aukna þekkingu á helstu upplýsingamiðlum um áfangastaði fyrir ferðamenn um heim allan.
Forkröfur eru engar.
Nemandi skal hafa öðlast þekkingu og skilning á:
Ferli skipulagningar og undirbúnings ferða út í heim.
Fjölbreytileika ferðamanna og ólíkra þarfa þeirra í ferðaskipulagningu með tilliti til markhóps.
Neti samgangna um heiminn og möguleika til ferðalaga.
Nemandi skal hafa öðlast leikni í að:
Skipuleggja ferðir fyrir mismunandi hópa með mismunandi þarfir.
Skipuleggja ferðir með tilliti til fjarlægðar, flugleiða og þjónustuframboðs.
Setja saman mismunandi ferðir á skynsamlegan og spennandi máta fyrir hópa jafnt sem einstaklinga.
Nýta handbækur, bæklinga, heimasíður og aðra miðla til upplýsingaöflunar.
Nemandi skal geta hagnýtt þá almennu þekkingu og leikni sem hann hefur aflað sér til að:
Leita upplýsinga um helstu ferðamannastaði í heiminum.
Nota alþjóðleg landakort, handbækur og áreiðanlegar heimildir á netinu til að afla upplýsinga um einstaka staði/lönd.
Skipuleggja sérsniðnar ferðir fyrir ákveðna hópa eða einstaklinga þar sem tekið er tillit til einkenni ferðamannastaða, framboðs afþreyingar, þjónustu, vegalengda og ferðamöguleika.
Skipuleggja og vinna með tilboðsgerð í fjölbreyttar ferðir s.s skíðaferðir, sólarferðir, hópferðir og sérferðir.
Námsmat samanstendur af fjölbreyttum verkefnum yfir önnina ásamt lokaprófi.