Í áfanganum er leitast við að kynna nemendum hvernig beri að setja fram og kynna matseðil sem sölutæki þannig að hann endurspegli ímynd og þjónustumagn. Nemendur fá undirstöðuþekkingu í mismunandi gerðum matseðla hvað varðar texta og samsetningu réttaflokka. Nemendur læra að áætla magn og reikna út verð rétta út frá framlegð, framreiðslustöðlum og nýtingu. Í áfanganum er fjallað um íslenska matreiðslu í sögulegu samhengi ásamt því að kynna helstu áhrifavalda. Nemendur kynnast aðferðafræði í „gastronomique“ og vinna að verkefnum sem lúta að henni, bæði bóklegum og verklegum. Nemendur kynnast þeim starfsaðferðum sem viðhafðar eru í veitingasölum hótela og veitingahúsa. Jafnframt er farið í vínfræði frá ræktun til neyslu. Nemendur læra að leggja á borð fyrir mismunandi tækifæri og kynnast framreiðsluháttum í veitingasal. Ætlast er til að nemendur taki virkan þátt í umræðum.
Engar
Nemandi skal hafa öðlast þekkingu og skilning á:
mismunandi gerðum matseðla, uppsetningu þeirra og samsetningu réttaflokka.
áhrifum árstíðabundins hráefnis á gerð matseðils.
klassískum frönskum matargerðarfræðum.
útreikningum á framlegð rétta og nýtingarstöðlum.
hvernig glös, hnífapör og önnur áhöld sem tengjast borðhaldi eru meðhöndluð.
hvaða siðir og venjur tíðkast við borðlagningu við hin ýmsu tilefni.
hvaða áherslur ber að hafa í huga þegar veitingahús/hótel eru skoðuð eða gagnrýnd.
Nemandi skal hafa öðlast leikni í að:
vinna faglega réttan matseðlatexta.
panta hráefni fyrir tiltekinn fjölda og áætla magn.
meðhöndla dúka og munnþurrkur (munnþurrkubrot).
leggja á borð fyrir ólík tilefni.
Nemandi skal geta hagnýtt þá almennu þekkingu og leikni sem hann hefur aflað sér til að:
tengja saman ímynd fyrirtækisins og sölutækið matseðill.
nálgast viðfangsefnið á skapandi hátt og sýna sjálfstæði í vinnubrögðum.