Markmið áfangans er að nemendur kynni sér ákveðna fyrirfram valda texta sem allir fjalla um eða snerta ljósmyndamiðilinn á einhvern máta. Textarnir geta verið ritgerðir eða greinar um kenningar, hugmyndasögu eða heimspeki, einnig ævisögur merkra listamanna eða önnur listtengd skrif. Tilgangurinn er að þjálfa nemendur í að greina innihald texta, að rökræða og skiptast á skoðunum um þá og að gera greinarmun á smekksdómum og rökstuddu áliti. Ekki síst eru nemendur hvattir til að tengja innihald þessara texta öðrum þáttum námsins.Í lok áfangans er gert ráð fyrir því að nemendur hafi öðlast þjálfun í að lesa, fjalla um og rökræða ólíka texta sem allir hafa snertiflöt við ljósmyndun.Nemendur fá lesefni uppgefið í upphafi áfangans.
Nemandi skal hafa öðlast þekkingu og skilning á:
mikilvægi hugmyndafræðilegrar, faglegrar og gagnrýninnar umræðu um ljósmyndun og aðrar listir
hugmyndum og verkum ólíkra listamanna sem vinna með ljósmyndina sem miðil
helstu hugmyndum, hugtökum og kenningum um strauma og stefnur í ljósmyndun
hugtökum og hugmyndum sem hægt er að beita sem rökum í umræðum og skrifum um ljósmyndir og listaverk
Nemandi skal hafa öðlast leikni í að:
í að lesa, fjalla um og rökræða ólíka texta sem allir hafa snertiflöt við ljósmyndun
setja fram ígrundaða skoðun á tilteknum texta og tengja innihald hans öðrum þáttum námsins á námsbrautinni
beita þeim hugtökum sem kynnt eru í áfanganum í umræðum og skrifum
vitna til fræðilegra hugmynda í umræðu um ljósmyndir og listir almennt
Nemandi skal geta hagnýtt þá almennu þekkingu og leikni sem hann hefur aflað sér til að:
lesa ólíka texta sem allir snerta ljósmyndun og ljósmyndir og að mynda sér skoðun á þeim
ræða innihald ólíkra texta á faglegan og gagnrýninn máta
setja skoðun sína fram með rökstuddum og uppbyggilegum hætti
tengja innihald mismunandi fræðitexta öðrum þáttum námsins
beita þeim hugtökum sem kynnt eru á markvissan og skýran máta.