Markmið áfangans er að kynna nemendum ljósmyndabækur sem miðil og tjáningarform og ferlið sem liggur að baki gerð þeirra. Nemendur fá yfirlit yfir sögu miðilsins, kynnast birtingarmynd ljósmyndarinnar í bókverkum af ólíkum toga en megin áherslan er að að kynna þeim mikilvægi bókverksins sem listforms í samtímanum.Nemendur fá þjálfun í að skoða slík verk og greina og fá innsýn mikilvæga listræna og hagnýta þætti er varða bókagerð eins og val á efni, hönnun, prentun og mismunandi útgáfuform. Markmið áfangans er ekki síst að efla gagnrýna hugsun nemenda og að kynna þeim þá skapandi möguleika sem í miðlinum felast.
Nemendur þurfa að leggja fram efni og vinna handritshugmynd að bók. Stefnt er að því að nemendur fá allnokkra þekkingu á mismunandi tegundum ljósmyndabóka, séu meðvitaðir um stöðu bókverka í listumhverfi samtímans og þekki helstu þætti vinnuferlisins og ólíkar leiðir sem hægt er að fara til útgáfu slíkra bóka.
Nemandi skal hafa öðlast þekkingu og skilning á:
ljósmyndabókum og margbreytilegri birtingarmynd ljósmyndar í slíkum bókum
mikilvægi bókverksins sem listforms í samtímanum
helstu þáttum í sögu ljósmyndabóka sem miðils
mikilvægum listrænum og hagnýtum þáttum er varða bókagerð; val á efni, hönnun, prentun og mismunandi útgáfuform
mikilvægum tengslum hugmyndar og útfærslu
þeim skapandi möguleikum sem í miðlinum felast
Nemandi skal hafa öðlast leikni í að:
meta bókverk og greina þau
koma niðurstöðum sínum á framfæri
meta tengsl hugmyndar og útfærslu
vinna hugmynd að handriti fyrir eigin bókverk
Nemandi skal geta hagnýtt þá almennu þekkingu og leikni sem hann hefur aflað sér til að:
greina og meta bókverk á gagnrýninn máta
þekkja stöðu bókverka í listumhverfi samtímans og mikilvægi þeirra sem listmiðils
gera sér grein fyrir helstu þáttum vinnuferlisins við gerð bókverka
þekkja ólíkar leiðir sem hægt er að fara til útgáfu slíkra bóka
geta lagt fram handritsdrög að útfærslu á eigin hugmynd í bókverki