Markmið áfangans er að aðstoða nemendur við að skilgreina sig sem ljósmyndara, hvert þeir hyggjast stefna og hvað þá vantar upp á til að ná markmiðum sínum. Nemendur eru hvattir til að leita svara við spurningunni: „Hvers konar ljósmyndari ætla ég að verða?“ Þeir eru einnig hvattir til að kynna sér ólíka ljósmyndara og listamenn, leita ólíkra leiða við úrlausn verkefna og að gera tilraunir með miðilinn. Lögð er áhersla á mikilvægi þess að nemendur myndi og tileinki sér reglulegt og stöðugt vinnuflæði. Enn fremur er áhersla á að þeir þjálfi enn frekar aðferðir við skipulag í hugmyndavinnu; temji sér skipulögð vinnubrögð og geti undirbúið verkefni sín á skýran og markvissan hátt með gagnaöflun, skissuvinnu og rituðum texta. Nemendur þurfa að kynna hugmyndir sínar, vinnuáætlun, afrakstur vinnu sinnar og verkefni. Þeir þurfa að geta rökstutt ákvarðanir varðandi verkefnaval og vinnuferli.
Nemandi skal hafa öðlast þekkingu og skilning á:
hvert hann hyggst stefna með ljósmyndun og hvað upp á vantar til að þeim markmiðum sé náð
mikilvægi þess að temja sér reglulegt vinnuflæði
helstu aðferðum við skipulag í hugmyndavinnu
mikilvægi tilrauna og rannsókna í hugmyndavinnuferlinu
mikilvægi þess að undirbúa verkefni sín á skýran og markvissan hátt með rannsóknarvinnu, skissuvinnu og rituðum texta
Nemandi skal hafa öðlast leikni í að:
kynna hugmyndir sínar, vinnuáætlun, afrakstur vinnu sinnar og verkefni
útskýra og færa rök fyrir ákvörðunum varðandi verkefnaval og vinnuferli
beita helstu aðferðum við hugmyndavinnu
vinna hugmynda- og rannsóknarvinnu, gera tilraunir og móta hugmyndir sínar
fjalla um hugmyndir sínar og verk og setja í hugmyndafræðilegt samhengi
Nemandi skal geta hagnýtt þá almennu þekkingu og leikni sem hann hefur aflað sér til að:
móta vinnubrögð sín og verkflæði og skerpa á áherslum í eigin sköpun
geta útskýrt og rökstutt ákvarðanir sínar varðandi verkefnaval og vinnuferli
undirbúa verkefni sín á skýran og markvissan hátt með rannsóknar- og skissuvinnu og rituðum texta
geta kynnt hugmyndir sínar, vinnuáætlun, afrakstur vinnu sinnar og verkefni
geta fjallað um hugmyndir sínar og verk og sett í hugmyndafræðilegt samhengi