Starfsþjálfun matartæknanema á 1. þrepi eru 25 feiningar. Áfanginn er reynslutími nemans á viðurkenndum starfsnámsstað og stendur yfir í 12,5 vikur. Á tímabilinu öðlast nemandinn aukna þekkingu, leikni og hæfni í öllum almennum störfum matartækna undir leiðsögn fagaðila.
Í áfanganum æfir nemandinn sig í notkun helstu tækja og búnaðar í eldhúsi. Jafnframt beitingu allra helstu matreiðsluaðferða og notkun algengasta hráefnis til matargerðar með áherslu á heilsusamlega og fjölbreytta matargerð og að vinna eftir gæðastöðlum um innra eftirlit, HACCP.
Kennari, leiðbeinandi og yfirmaður bera sameiginlega ábyrgð á starfsþjálfuninni.
Nemandi skal alfarið fylgja þeim reglum sem viðkomandi starfsnámsstaður setur sínu starfsfólki.
VÞVS1SF05
Nemandi skal hafa öðlast þekkingu og skilning á:
aðferðum og vinnulýsingum sem lúta að sérhæfðum verkferlum matreiðslu á fyrsta hæfniþrepi
tölvukerfi vinnustaðar sem heldur utan um hráefni, uppskriftir, matseðla, innkaup
vinnuskipulagi fyrir eigin vinnu og mikilvægi vinnuskipulags á vinnustað
vinnu við undirbúning og grunnmatreiðslu, s.s. kalda rétti og salöt
skömmtunarfyrirkomulagi vinnustaðar og skammtastærðum
móttöku og innra eftirliti vinnustaðar
öðrum vottunum s.s. Svansvottun og hvað það felur í sér
samskipta ferlum eldhúss við deildir spítalans
fyrirkomulagi við innkaup og birgðastjórnun
vinnu við frágang, þrif og hreinlætisáætlunum á vinnustað
almennri matseðlagerð
Nemandi skal hafa öðlast leikni í að:
skipuleggja sérhæfða verkferla í samræmi við fyrirliggjandi verkefni
undirbúa salat og kaldar sósur
undirbúa og matreiða grænmetis-, grjóna- og pastarétti
undirbúa og matreiða alla helstu hádegisverðarétti
matreiða helstu íslenska þjóðarrétti
undirbúa og matreiða eftirrétti, kalda og heita
nota skammtastærðir vinnustaðar
leita að matseðlum, hráefni og uppskriftum í tölvukerfi
Nemandi skal geta hagnýtt þá almennu þekkingu og leikni sem hann hefur aflað sér til að:
útskýra vinnuferla sem byggja á aðferðafræði er lýtur að matreiðslu almenns fæðis með áherslu á fæðutengdar ráðleggingar Embættis landlæknis
skipuleggja verkferla og verkefnalista og vinna eftir þeim í matreiðslu á almennu fæði
meta störf sín og annarra í matreiðslu á hlutlægan hátt