Markmið áfangans er að hver nemandi vinni og skili fullbúnu verki eða verkum á samsýningu nemenda í lok annarinnar. Nemandinn velur sér leið og útfærslu verkefnisins innan ramma skapandi ljósmyndunar. Lokaverkefnið er sjálfstæð vinna nemenda undir handleiðslu leiðbeinanda og umsjónarkennara áfangans. Umsjónarkennari með áfanganum heldur utan um vinnuna, stýrir sameiginlegum vinnufundum með nemendum, veitir ráð og gerir tillögur að úrlausnum og útfærslum.
Sýningarstjóri samsýningar nemenda í lok annar, vinnur með nemendum að framkvæmd sýningarundirbúnings og stýrir vinnu við uppsetningu verka. Í áfanganum fá nemendur margháttaða aðstoð við val á verkum, útfærslu þeirra og aðra hagnýta þætti sýningarundirbúnings. Einnig þjálfun í að fjalla um verk sín, merkingu þeirra og eigin hugmyndir.Mánuði fyrir annarlok kynna nemendur lokaverkefni sitt og verja fyrir rýninefnd skólans. Lokamat rýninefndar skólans á verkum nemenda fer fram fyrir sýningaropnun. Metur nefndin þá framlag nemenda á sýningunni og gefur einkunn og umsögn um verkin á henni.
Nemandi skal hafa öðlast þekkingu og skilning á:
mikilvægi sjálfstæðis í vinnubrögðum
mikilvægi þess að beita gagnrýnni nálgun á verkefni sín og úrlausnarleiðir
því vinnuferli sem fylgir sýningarundirbúningi og opnun sýningar
mikilvægi uppsetningarmáta verka á sýningu
ferlinu frá hugmynd að fullbúnu verki
faglegum vinnubrögð, geti sýnt persónuleg stílbrögð og unnið sjálfstætt að úrlausn verkefna
séu færir um framsetningu persónulegra myndverka
Nemandi skal hafa öðlast leikni í að:
vinna hugmynd að fullbúnu verki
vinna að sýningarundirbúningi og því samstarfi sem það felur í sér
starfa með sýningarstjóra að uppsetningu sýningar
setja með skýrum hætti fram hugmyndir sínar um verk og vinnulag
setja sér raunhæfan tímaramma fyrir verkefni
horfa með gagnrýnum augum á verkefni sín og úrlausnarleiðir
beita ljósmyndamiðlinum á fjölþættan hátt til skapandi vinnu
ástunda fagleg vinnubrögð
sýna fram á persónuleg stílbrögð og að nemandi sé fær um framsetningu persónulegra myndverka
vinna sjálfstætt að úrlausn verkefna
að vinna úr gagnrýni og endurgjöf á eigin verk
Nemandi skal geta hagnýtt þá almennu þekkingu og leikni sem hann hefur aflað sér til að:
beita ljósmyndamiðlinum á fjölþættan hátt til skapandi vinnu
setja fram eða birta persónuleg myndverk
geta í skrifum og umræðu beitt greinandi aðferðum á verk sín og annarra og sett í mismunandi hugmyndafræðilegt samhengi
vera fær um að beita gagnrýnum vinnubrögðum í verkefnum sín og úrlausnarleiðum