Í áfanganum kynnast nemendur hver öðrum og kennurum sínum. Nemandinn er hvattur til að líta inn á við og skilgreina sig sem námsmann og einstakling í samfélaginu. Tilgangur og markmið með framhaldsskólabrú kynnti. Skoðað verður hugarfar til náms og nemendur þjálfast í vaxtarmiðuðu hugarfari. Unnið er með gildi og sjálfsmynd einstaklinga.
Unnið er með áhugasvið nemenda og lögð áhersla á styrkleika hvers og eins. Vinnan er einstaklingsmiðuð og nemendur taka þátt í því að móta eigin verkefni.
Námið byggist á hugmyndafræði persónumenntar og því er ætlað að efla gagnrýna hugsun, sjálfsþekkingu, heilbrigðan lífsstíl, stærðfræði- og tungumálakunnáttu. Verkefnum er haldið til haga fyrir raunfærnimat á áframhaldandi námi.
Nemandi skal hafa öðlast þekkingu og skilning á:
þeim kröfum sem gerðar eru í námi á framhaldskólastigi
því hvernig hann getur orðið meðvitaður um sjálfan sig, áhugasvið sitt og styrkleika
framtíðarmöguleikum sínum
muninum á vaxtamiðuðu- og fastmótuðu hugarfari
Nemandi skal hafa öðlast leikni í að:
átta sig á eigin styrkleikum og bera virðingu fyrir sjálfum sér
tileinka sér vaxtamiðað hugarfar
leita sér upplýsinga tengdu áhugasviði sínu
Nemandi skal geta hagnýtt þá almennu þekkingu og leikni sem hann hefur aflað sér til að:
stuðla að jákvæðri sjálfsmynd
taka ábyrgð á eigin námi og lífi
vera meðvitaðri um að daglegar ákvarðanir og breytni hafa áhrif til framtíðar
stunda árangursríkt nám á framhaldsskólastigi
vinna með upplýsingar tengdar áhugasviði sínu
Leiðsagnarmat. Áhersla lögð á umsagnir sem leiða nemandann áfram.