Í áfanganum vinna nemendur með umhverfisvernd og sjálfbærni. Lögð er áhersla á að nemendur verði meðvitaðir um hlutverk sitt við verndun umhverfisins, bæði sitt eigið umhverfi og umhverfið á hnattvísu. Fjallað verður um það sem helst ógnar umhverfi okkar og hvernig hægt er að hafa áhrif til hins betra. Námið byggist á hugmyndafræði persónumenntar og því er ætlað að efla gagnrýna hugsun, sjálfsþekkingu, heilbrigðan lífsstíl, stærðfræði- og tungumálakunnáttu. Verkefnum er haldið til haga fyrir raunfærnimat á áframhaldandi námi.
Nemandi skal hafa öðlast þekkingu og skilning á:
Fjölbreyttum leiðum einstaklingsins til vistvænni lifnaðarhátta
hlýnun jarðar; orsökum, afleiðingum og ábyrgð einstaklingsins
sjálfbærni og þýðingu hugtaksins fyrir umhverfið
endurnýtingu og flokkun sorps
Nemandi skal hafa öðlast leikni í að:
meta áhrif hversdagslegra athafna á umhverfið
nýta endurnýtanlegan efnivið
endurnýta og flokka sorp
Nemandi skal geta hagnýtt þá almennu þekkingu og leikni sem hann hefur aflað sér til að:
minnka ágang á náttúruauðlindir með vistvænni lifnaðarháttum
vera virkur þátttakandi í umræðu um umhverfismál
koma auga á skapandi leiðir til sjáfbærni
umgagast náttúruna af ábyrgð
Leiðsagnarmat. Áhersla á umsagnir sem leiða nemandann áfram