Nemendur fá að kynnast listsköpun og handverki. Þeir komast að því að hægt er skapa fallega hluti, listaverk og skúlptúra úr endurnýtanlegum efnivið eins og plasti, pappír, pappa, textílefnum, gleri, áli og öðrum efnum. Nemendur læra betur á sitt nánasta umhverfi með það í huga að vera meðvitaðri um þau efni sem við notum í okkar daglega lífi og nýta þau í listsköpun. Tímarnir eru frjálslegir og bjóða upp á afslappað andrúmsloft. Lögð er áhersla á fjölbreytt verkefni og skapandi, vönduð og sjálfstæð vinnubrögð. Námið byggist á hugmyndafræði persónumenntar og því er ætlað að efla gagnrýna hugsun, sjálfsþekkingu, heilbrigðan lífsstíl, stærðfræði- og tungumálakunnáttu. Verkefnum er haldið til haga fyrir raunfærnimat á áframhaldandi námi.
Nemandi skal hafa öðlast þekkingu og skilning á:
sínu nánasta umhverfi
ferli sem sýnir hugmynd að fullunnu verki
gildi lita og notkun þeirra í umhverfi okkar
sjálfbærni, umhverfismennt og endurnýtingu efna
mikilvægi þess að sýna öguð og vönduð vinnubrögð í handverki
Nemandi skal hafa öðlast leikni í að:
skrá niður hugmyndir í hugmyndabók
skipuleggja eigið vinnuferli
sýna sjálfstæð vinnubrögð og vandvirkni í verkefnavinnu
vinna með endurnýtanleg efni
Nemandi skal geta hagnýtt þá almennu þekkingu og leikni sem hann hefur aflað sér til að:
sýna sínu nánasta umhverfi virðingu
nýta hæfni sína og færni í listræna vinnu og sköpun
sýna frumkvæði að verkefnum og verkefnavali
beita gagnrýnni og skapandi hugsun
geta unnið á persónulegan hátt með eigin hugmyndir og útfært þær eftir sinni eigin tilfinningu í fallegan nytjahlut, skreyti eða skúlptúr
Leiðsagnarmat. Áhersla á umsagnir sem leiða nemandann áfram