Unnið verður með samskiptafærni í víðum skilningi. Nemendur öðlast færni í samskiptum í einkalífi sem og á vinnumarkaði. Unnið verður með réttindi, skyldur og öryggi á vinnustað auk þess að nemendur læra skyndihjálp. Nemendur öðlast grunn í fjármálalæsi með það að markmiði að þeir sjái gildi þess að hafa yfirsýn yfir útgjöld og tekjur og skilji hlutverk peninga í daglegu lífi. Farið verður yfir fyrstu skref á vinnumarkaði, nemendur búa til ferilskrár og skoða ferlið við að sækja um atvinnu.
Námið byggist á hugmyndafræði persónumenntar og því er ætlað að efla gagnrýna hugsun, sjálfsþekkingu, heilbrigðan lífsstíl, stærðfræði- og tungumálakunnáttu. Verkefnum er haldið til haga fyrir raunfærnimat á áframhaldandi námi. .
Nemandi skal hafa öðlast þekkingu og skilning á:
hvað felst í góðum samskiptum
réttindum og ábyrgð á vinnumarkaði
skyndihjálp
fjármálalæsi
lögmálum vinnumarkaðarins
Nemandi skal hafa öðlast leikni í að:
eiga góð samskipti
þekkja réttindi sín og skyldur á vinnumarkaði
beita skyndihjálp
vera læs á eigin fjármál
gera ferilskrá
þekkja fyrstu skref einstaklinga á vinnumarkaði
Nemandi skal geta hagnýtt þá almennu þekkingu og leikni sem hann hefur aflað sér til að:
vera vel upplýstur þegar hann kemur á vinnumarkað
geta átt góð samskipti
taka ákvarðanir er varða fjármál einstaklinga
geta notað skyndihjálp ef á þarf að halda
leita að og sækja um atvinnu
Leiðsagnarmat. Áhersla á umsagnir sem leiða nemandann áfram.